‘కొడకా.. కోటీశ్వరా’.. పాటందుకున్న పవన్

పవర్ స్టార్ పవన్ కళ్యాణ్.. త్రివిక్రమ్ శ్రీనివాస్ కాంబినేషన్‌లో సినిమా రూపొందుతోన్న సంగతి తెలిసిందే. ఇంకా టైటిల్ ఖరారు చేయని ఈ సినిమా ఆడియో విడుదల కార్యక్రమం డిసెంబర్ మొదటి వారంలో హైదరాబాద్‌లో జరగనుంది. అనిరుద్ సంగీతం అందించిన ఈ సినిమాలో 'బైటికొచ్చి చూస్తే' అనే పాటను త్రివిక్రమ్ పుట్టినరోజు సందర్భంగా విడుదల చేశారు. ఈ పాట అటు మాస్ ఆడియన్స్‌తో పాటు క్లాస్ ఆడియన్స్‌ను కూడా ఆకట్టుకుంటోంది.

అయితే ఇప్పుడు సినిమాకు సంబంధించిన మరో ఆసక్తికర విషయం బయటకు వచ్చింది. కొద్దిరోజుల క్రితం ఈ సినిమాలో పవన్ కళ్యాణ్ పాట పాడబోతున్నాడనే మాటలు వినిపించాయి. తాజా సమాచారం ప్రకారం నిజంగానే పవన్ ఈ సినిమాలో తన గొంతు వినిపించబోతున్నాడని తెలుస్తోంది. 'కొడకా కోటీశ్వరవా..' అనే సాహిత్యంతో ఈ పాట సాగబోతుంది. గతంలో కూడా పవన్-త్రివిక్రమ్ కాంబోలో వచ్చిన 'అత్తారింటికి దారేది' సినిమాలో పవన్ 'కాటమరాయుడా.. కదిరి నరసింహుడా’ అనే పాట పాడాడు. ఆ పాటతో పాటు సినిమా కూడా సూపర్ హిట్‌గా నిలిచింది. ఇప్పుడు మరోసారి అదే సెంటిమెంట్‌తో పవన్ తో పాట పాడించే పనిలో పడ్డాడు త్రివిక్రమ్. వచ్చే ఏడాది సంక్రాంతి కానుకగా ఈ సినిమాను ప్రేక్షకుల ముందుకు తీసుకురానున్నారు.