Pawan Kalyan: పవర్ స్టార్ ఫ్యాన్స్‌కు గుడ్‌న్యూస్.. హరి హర వీరమల్లు అప్‌డేట్‌ వచ్చేది అప్పుడే..

పవర్ స్టార్ పవన్ కళ్యాణ్ (Pawan Kalyan) ఫ్యాన్స్‌కు గుడ్ న్యూస్ వచ్చేసింది. జనసేనాని బర్త్ డే (Pawan Kalyan Birth Day) సందర్భంగా అభిమానులకు సర్‌ప్రైజ్ గిఫ్ట్స్ రెడీ అవుతున్నాయి. హరి హర వీరమల్లు (Hari Hara Veera Mallu) మూవీ అప్‌డేట్‌కు మూవీ మేకర్స్ ముహుర్తం ఫిక్స్ చేశారు. సెప్టెంబర్ 2న సాయంత్రం 5:45 గంటలకు పవర్ గ్లాన్స్ రిలీజ్ చేయనున్నట్లు ప్రకటించారు. ఈ మేరకు సోషల్ మీడియాలో పోస్టర్‌ను రిలీజ్ చేశారు. దీంతో పవన్ ఫ్యాన్స్‌ పండగ చేసుకుంటున్నారు. నెట్టింట హంగామా షూరు చేశారు.

క్రిష్ జాగర్లమూడీ డైరెక్షన్‌లో పీరియాడికల్ ఫిక్షన్ బ్యాక్‌డ్రాప్‌లో హరి హర వీరమల్లు తెరకెక్కుతోంది. ఈ మూవీ ద్వారా పవన్ కళ్యాణ్ తొలిసారి పాన్ ఇండియా లెవల్లో ఎంట్రీ ఇవ్వనున్నాడు. ఇందులో పవన్ క్యారెక్టర్‌ను చాలా పవర్‌ఫుల్‌గా క్రిష్ డిజైన్ చేసినట్లు తెలుస్తోంది. ఇప్పటికే రిలీజ్ చేసిన ఫస్ట్ లుక్ పోస్టర్స్, వర్కింగ్ స్టిల్స్‌ ఫ్యాన్స్‌కు తెగనచ్చేశాయి. పవన్ బర్త్ డే మరో రెండు రోజుల్లో రానుండడంతో గ్రాండ్‌గా సెలెబ్రేట్ చేసేందుకు రెడీ అవుతున్నారు.

ఈ మూవీలో నిధి అగర్వాల్ (Nidhhi Agerwal) హీరోయిన్‌గా నటిస్తోంది. 17వ శతాబ్దంలో మొగల్ చక్రవర్తుల కాలం నాటి కథ ఆధారంగా ఈ మూవీని రూపొందిస్తున్నట్లు తెలుస్తోంది. ఇప్పటికే దాదాపు 60 శాతం పూర్తి చేసుకుందని సమాచారం. ఈ మూవీకి రూ.180 కోట్ల మేర బడ్జెట్ ఖర్చు చేస్తున్నట్లు తెలిసింది. 2023 ఏప్రిల్ 29న రిలీజ్ చేసేందుకు మూవీ మేకర్స్ ప్లాన్ చేస్తున్నారు.