స్వీటీ టీజర్‌పై ప్రభాస్ స్వీట్ కామెంట్!

అనుష్క శెట్టి – ప్రభాస్ ‘టాలీవుడ్ లవ్లీ జోడీ’గా పేరొందిన వీరిద్దరూ జంటగా తెరపై కనిపిస్తే చాలు.. అభిమానులకు పండుగే. వీరిద్దరు బయట కూడా మంచి స్నేహితులు. ప్రభాస్, స్వీటీకి తెలుగు సినిమా పరిశ్రమలో మంచి పేరుంది. ‘బాహుబలి’ సీరిస్ తర్వాత ఈ జంట జాతీయ స్థాయిలో కూడా బాగా పాపులర్ అయ్యారు. అంతేకాదు, వీరిద్దరూ పెళ్లి కూడా చేసుకుంటారనే రూమర్స్ గతంలో షికారు చేశాయి. అయితే, వారిద్దరి మధ్య ఉన్నది మంచి స్నేహమేనని ఇప్పటికే స్పష్టం చేశారు.

బుధవారం విడుదలైన ‘భాగమతి’ టీజర్ చూసిన ప్రభాస్... స్వీటిని మెచ్చుకోకుండా ఉండలేకపోయాడు. ఆమె టీజర్‌ను ఆయన తన ఫేస్‌బుక్‌లో పోస్టు చేసి... ఓ స్వీట్ కామెంట్‌తో స్వీటి గొప్పతనాన్ని తెలిపాడు. ‘‘ప్రతి సినిమాలో కొత్తగా కనిపించడానికి అనుష్క ఎప్పుడు ముందుంటుంది. స్వీటీ, యూవీ క్రియేషన్స్‌కు గుడ్‌లక్’’ అంటూ భాగమతి టీజర్‌ను షేర్ చేశాడు. ఈ టీజర్‌ను ప్రభాస్ ఫేస్‌బుక్ నుంచి దాదాపు 1700 మందికి పైగా షేర్ చేసుకున్నారు. స్వీటీ పుట్టిన రోజు సందర్భంగా విడుదల చేసిన ‘ఫస్ట్ లుక్’ను కూడా ప్రభాస్ గతంలో షేర్ చేసుకున్నాడు. ఆ తర్వాత మళ్లీ ఇప్పుడే ఆమె టీజర్‌ను పోస్ట్ చేస్తూ మరోసారి పలకరించాడు. అయితే, ‘సాహో’ విశేషాలు మాత్రం ప్రభాస్ బయటపెట్టడం లేదు.


మొబైల్ యాప్ యూజర్స్: ప్రభాస్ ఫేస్ బుక్ పోస్ట్ కోసం దయచేసి ఇక్కడ క్లిక్ చేయగలరు