ప్రభాస్ ఆమెతో ఫిక్స్ అయ్యాడా!

బాహుబలి సినిమా తరువాత ప్రభాస్ సుజీత్ దర్శకత్వంలో ఓ సినిమా చేయాలనుకున్నాడు. ఇటీవలే సినిమా పూజా కార్యక్రమాలు నిర్వహించారు. అయితే ఈ సినిమాలో హీరోయిన్‌గా ఎవరు నటిస్తారనే విషయం సస్పెన్స్ గానే ఉంది. నిజానికి ఇండస్ట్రీలో హీరోయిన్స్ కొరత చాలానే ఉంది. అందుకే యంగ్ హీరోల నుండి స్టార్ హీరోల వరకు అందరూ కొత్త హీరోయిన్స్‌ను ఇండస్ట్రీకు తీసుకువచ్చే ప్రయత్నాలు చేస్తున్నారు.

ఇప్పుడు ప్రభాస్ కూడా పరభాషా హీరోయిన్‌ను తన సినిమాలో తీసుకోవాలనుకుంటున్నాడు. కన్నడలో కిర్రాక్ పార్టీ అనే తొలి సినిమాతో తన ఖాతాలో హిట్ వేసుకున్న రష్మికకు ప్రభాస్‌తో నటించే ఛాన్స్ వచ్చినట్లుగా వినికిడి.

ప్రస్తుతం రష్మిక చేతిలో నాలుగు కన్నడ సినిమాలు ఉన్నాయి. ఆమె డేట్స్ కూడా అడ్జస్ట్ చేయలేని పరిస్థితి. కానీ ప్రభాస్ పక్కన ఛాన్స్ అంటే మిస్ చేసుకుంటుందా.. అందుకే వెంటనే గ్రీన్ సిగ్నల్ ఇచ్చిందని చెబుతున్నారు. ఈ విషయంపై అఫీషియల్ అనౌన్స్మెంట్ రావాల్సిఉంది.