ప్రభాస్ కొత్త స్టైల్.. కొత్తగా, మరింత అందంగా!

ప్రభాస్‌ను ఇంకా బాహుబలి గెటప్‌లోనే ఊహించుకుంటే పొరపాటే. ఆయన ఇప్పుడు తన స్టైల్ పూర్తిగా మార్చేశాడు. బాగా వెయిట్ తగ్గి స్లిమ్‌గా సరికొత్తగా కనిపిస్తున్నాడు. ప్రస్తుతం ‘సాహో’ సినిమాలో నటిస్తున్న ప్రభాస్.. కొత్త సంవత్సరంగా అభిమానులకు సర్‌ప్రైజ్ ఇచ్చాడు. తన ఫేస్‌బుక్‌లో స్టైలిష్ ఫొటోను షేర్ చేసుకున్నాడు. ప్రముఖ మ్యాగజైన్ ‘జీక్యూ’పై నీలం రంగు సూట్‌లో కూల్‌గా కనిపించాడు.

‘జీక్యూ ఇండియా’ మ్యాగజైన్ 2018 తొలి ప్రచురణకు ప్రభాస్‌ను ఎంపిక చేసుకోవడం తెలుగు నటుడికి లభించిన అరుదైన గౌరవంగా భావించవచ్చు. ‘ప్రభాస్ ప్రస్థానం’ పేరుతో ప్రచురించిన కథనంలో ఎన్నో ఆసక్తికర అంశాలు ఉంటాయంటూ ఆ పత్రిక వెల్లడించింది. ప్రస్తుతం ప్రభాస్ ‘సాహో’ చిత్రం షూటింగులో బీజీగా ఉన్నాడు. ఇప్పటికే ఈసినిమా ఫస్ట్ లుక్స్, టీజర్ ఈ సినిమాపై అంచనాలు పెంచేశాయి.