ప్రభుదేవా డైరెక్షన్‌లో విశాల్, కార్తిల కాంబో ?

కోలీవుడ్ నుంచి టాలీవుడ్, బాలీవుడ్ ఇండస్ట్రీల వరకు నటుడిగా, డైరెక్టర్‌గా ఆడియెన్స్ అందరికీ సుపరిచితుడైన ప్రొఫెషనల్ కొరియోగ్రాఫర్ ప్రభుదేవా. ప్రభుదేవా డైరెక్ట్ చేయనున్న కొత్త చిత్రంలో విశాల్, కార్తిలు కలిసి నటించనున్నట్టు తెలుస్తోంది. కోలీవుడ్ వర్గాలు చెబుతున్న సమాచారం ప్రకారం ప్రభుదేవా వినిపించిన స్టోరీ లైన్ ఈ ఇద్దరు హీరోలకి బాగా నచ్చిందట. అందుకే వెంటనే ఈ సినిమాకు ఇద్దరు స్టార్స్ గ్రీన్ సిగ్నల్ ఇచ్చారని టాక్. అన్నీ అనుకున్నట్టే జరిగితే వచ్చే ఏడాది ఈ సినిమా సెట్స్‌పైకి వెళ్లనుంది. ఈలోగా విశాల్, కార్తి కూడా తమ ఇతర చిత్రాల పనులు పూర్తి చేసుకోవాలని ప్లాన్ చేస్తున్నట్టు సమాచారం.
ఆసక్తికరమైన విషయం ఏంటంటే, విశాల్, కార్తి ఇద్దరూ నడిగర్ సంఘంలో క్రియాశీలక పాత్ర పోషిస్తున్నావారే. విశాల్ నడిగర్ సంఘం సెక్రటరీ కాగా.... కార్తి ట్రెజరర్‌గా వ్యవహరిస్తున్నాడు. ఈ ఇద్దరి కాంబినేషన్‌తో ఆడియెన్స్‌కి సినిమాపై ఒకింత ఆసక్తి ఏర్పడింది.