Prakash Raj: ఏం పని చేశారో అందరికీ తెలుసు.. ప్రకటిస్తే పనులు చేసినట్లు కాదు.. ‘మా’ పనితీరుపై ప్రకాష్ రాజ్ విసుర్లు

గత ఏడాది అక్టోబర్ నెలలో జరిగిన మూవీ ఆర్టిస్ట్ అసోసియేషన్ (మా) (MAA) ఎన్నికలు ఎంత రసవత్తరంగా జరిగాయో అందరికీ తెలిసిందే. మెగా అండతో ప్రకాష్ రాజ్ (Prakash Raj) ప్యానెల్.. మంచు మోహన్ బాబు (Manchu Mohan Babu) అండతో విష్ణు మంచు (Vishnu Manchu) ప్యానెల్ పోటీ పడగా.. విష్ణు మంచు ప్యానెల్ విజయం సాధించింది. ఎన్నికల ఫలితాల అనౌన్స్‌మెంట్ రోజున నాటకీయ పరిణామాలు చోటు చేసుకున్నాయి. ప్రకాష్ రాజ్ ప్యానెల్ సభ్యులు రాజీనామాలు చేశారు. ఇవన్నీ జరిగిపోయి ఏడాది దాటి పోయింది. రీసెంట్‌గా విష్ణు మంచు ప్రెస్ మీట్ పెట్టి ‘మా’ ఎన్నికల్లో తాను చెప్పిన పనుల్లో 95 శాతం పూర్తి చేశానని చెప్పారు. త్వరలోనే ‘మా’ బిల్డింగ్ కూడా కడతానని ఆయన అన్నారు.

విష్ణు మంచు ప్రెస్ మీట్‌పై ఇన్ని రోజులు ప్రకాష్ రాజ్ అండ్ ప్యానెల్ సైలెన్స్‌ను మెయిన్ టెయిన్ చేస్తూ వచ్చింది. రీసెంట్ ఇంటర్వ్యూలో ప్రకాష్ రాజ్ (Prakash Raj) ప్రస్తుతం విష్ణు మంచు ఆధ్వర్యంలోని ‘మా’ అసోసియేషన్ పనితీరుపై స్పందించారు. డైరెక్ట్‌గా కాకుండా ఇన్ డైరెక్ట్‌గా కాస్త గట్టిగానే ఆయన మాట్లాడారు. ‘‘గెలిచారు.. ఏం పని చేశారనేది అందరికీ తెలుసు. పని చేశారా.. చేయలేదా? అనేది సభ్యులకు తెలుసు. వాళ్లు నిర్ణయించని. ఇంకా ఓ సంవత్సరం సమయం ఉంది కదా. ప్రకటించటం వల్ల పనులు చేసినట్లు కాదు కదా. ప్రకటిస్తున్నారు.. ఓ మనిషి ఓ మాట చెబుతాడు. నిజమా లేదా? అని నువ్వు తీసుకోవాలి. చేస్తున్నారా.. తెలియదు. ప్రకటించారు.. అది వాళ్ల బాధ్యత’’ అన్నారు.

మళ్లీ మూవీ ఆర్టిస్ట్ అసోసియేషన్ ఎన్నికల్లో పోటీ చేస్తారా? అని వేసిన ప్రశ్నకు చూద్దాం.. ‘ఇప్పుడు ఏం పని చేశారో చూద్దాం’ అని తనదైన శైలిలో సమాధానం ఇచ్చారు ప్రకాష్ రాజ్. ‘మా’ అసోసియేషన్ ఎన్నికలు ముగిశాయి.. మరో ఏడాదిలో మళ్లీ ఎన్నికలు రాబోతున్నాయి. రానున్న ఎన్నికల్లో తాను పోటీ చేయటం లేదని విష్ణు మంచు (Manchu Vishnu) క్లారిటీ ఇచ్చేేశారు. మరి ఈసారి మా ఎన్నికలు జరుగుతాయా? లేదా? అనేది చూడాలి మరి.