Zombie Reddy First look: భయపెట్టడంలోనూ వినూత్నం.. ప్రశాంత్ వర్మ టాలెంట్ భలే ఉందే!!

మొదటి సినిమా 'అ' ద్వారానే విభిన్న చిత్రాలను రూపొందించడంలో తనకంటూ ఓ ప్రత్యేకత ఉందని నిరూపించుకున్నారు యంగ్ డైరెక్టర్ ప్రశాంత్ వర్మ. ఎంత లేట్ అయినా పర్వాలేదు గానీ సెలెక్టెడ్ సినిమాలు, విలక్షణమైన కథాంశాలు ఎన్నుకోవడమే లక్ష్యంగా దూసుకుపోతున్న ఈ యువ దర్శకుడు 'కల్కి' అంటూ రెండో సినిమాను రాజశేఖర్‌తో చేసి ఆకర్షించారు. ఇక మూడో సినిమా మరింత డిఫరెంట్‌గా ఉండాలని ప్లాన్ చేసిన ఆయన.. లేటెస్ట్ ఇష్యూ కరోనా వైరస్ నేపథ్యంలో సినిమాను ప్రకటించారు.

కరోనా విజృంభిస్తున్న నేపథ్యంలో ఓ డిఫరెంట్ కాన్సెప్ట్‌ ఎంచుకున్న ప్రశాంత్ వర్మ.. దానికి 'జోంబీ రెడ్డి' అనే టైటిల్ కన్ఫర్మ్ చేసి ఫస్ట్‌లుక్, మోషన్ పోస్టర్ రిలీజ్ చేశారు. జోంబీ అనే ఓ స్మశాన వాటికను చూపిస్తూ భయపెట్టిన ఆయన ఆ స్మశానంలోని వాతావరణం, ఎరుపు రంగులో ఉన్న చంద్రుడు.. బ్యాక్ గ్రౌండ్‌ మ్యూజిక్‌తో మరింత భయపెట్టారు. థ్రిల్లింగ్, హారర్ జోనర్స్ ఇష్టపడే ప్రేక్షకులను ఆకట్టుకునేలా ఈ మోషన్ పోస్టర్ రిలీజ్ చేసి వినూత్నంగా భయపెట్టబోతున్నట్లు తెలిపారు. దీంతో ఈ పోస్టర్ సోషల్ మీడియాలో వైరల్ అవుతోంది.

Also Read: నగ్నంగా బిగ్ బాస్ బ్యూటీ! బాత్ రూమ్‌ ఫోటో షేర్ చేసి షాకిచ్చిన హీరోయిన్

అయితే కరోనా నేపథ్యంలో సినిమా ఉంటుందని చెప్పిన ప్రశాంత్ వర్మ.. ఇలా ‘జోంబీ రెడ్డి’ డిఫరెంట్ టైటిల్ ప్రకటించడంతో అందరిలోనూ సరికొత్త ఆసక్తి నెలకొంది. ఈ పోస్టర్ చూశాక.. అసలు కరోనాకు జోంబీ రెడ్డి సంబంధం ఏంటి? ఈ సినిమాలో ఏం చూపించబోతున్నారు? అనే కోణంలో చర్చలు మొదలు పెట్టేశారు జనం. నిజంగా జరిగిన సంఘటనల నేపథ్యంలో తెరకెక్కనున్న ఈ మూవీ ద్వారా ప్రశాంత్ వర్మ ప్రజలకు ఏం సందేశం ఇవ్వబోతున్నాడనే దానిపై సర్వత్రా ఆసక్తి మొదలైంది.

ఆపిల్ స్టూడియోస్ బ్యానర్‌పై రూపొందుతున్న ఈ జోంబీ రెడ్డి సినిమాకు రాజశేఖర్ వర్మ నిర్మాతగా వ్యవహరిస్తున్నారు. మార్క్ కే రాబిన్ సంగీతం అందిస్తున్నారు. అతిత్వరలో ఈ సినిమాలో నటిస్తున్న నటీనటులు, ఇతర వివరాలు ప్రకటించనుంది చిత్రయూనిట్.