ప్రేమమ్ మలరే.. తెలుగులో ఎవరే..!

మళయాలంలో సూపర్ హిట్ అయిన అందమైన ప్రేమకథా చిత్రం 'ప్రేమమ్' తెలుగులో కూడా అదే టైటిల్ తో రీమేక్ అవుతోంది. అక్కినేని నాగచైతన్య హీరోగా నటిస్తున్న ఈ చిత్రంలో ముగ్గురు హీరోయిన్లు నటిస్తున్నారు. మళయాలం 'ప్రేమమ్'లో నటించిన అనుపమ పరమేశ్వరన్, మడొనా సెబాస్టియన్ తెలుగులో కూడా రిపీట్ అవుతున్నారు. కాగా, ఈ సినిమాలో మలర్ పాత్రలో శృతి హాసన్ నటిస్తోంది.
చందు మొండేటి దర్శకత్వం వహిస్తున్నారు. రాజేష్ మురుగేశన్ సంగీతం అందించారు, ఈ సినిమా ఆడియో ఆగష్టు 24వ తేదీన విడుదలవుతుండగా, సినిమాలోని తొలిపాట 'తెలవారితే కనురెప్పల తొలి ఉదయం నువ్వే.. ఎవరే..!' అంటూ సాగే పాట తాజాగా విడుదల చేశారు. సెప్టెంబర్ 9న 'ప్రేమమ్' ప్రేక్షకుల ముందుకు రానుంది.