మహేష్ 25వ మూవీకి ముహూర్తం కుదిరింది

ప్రిన్స్ మహేష్ బాబు వరుస సినిమాలతో దూకుడు చూపిస్తున్నాడు. ‘బ్రహ్మోత్సవం’ డిజాస్టర్‌ తరువాత లాంగ్ గ్యాప్‌లో స్పైడర్ మూవీతో వస్తున్న సూపర్ స్టార్ ఈ ప్రాజెక్ట్ తరువాత వరుస సినిమాలను లైన్‌లో పెడుతున్నాడు. మహేష్ కెరియర్‌లోనే బెగ్గెస్ట్ హిట్ అందించిన కొరటాల శివ డైరెక్షన్‌లో ‘భరత్ అను నేను’ షూటింగ్ ఇప్పటికే పట్టాలెక్కేయగా తన 25వ సినిమాకు కొబ్బరికాయ కొట్టేందుకు రెడీ అయ్యాడు మహేష్.

తన 25వ సినిమాగా వంశీ పైడిపల్లి దర్శకత్వంలో సినిమా చేయనున్నట్టుగా చాలా రోజుల క్రితమే ప్రకటించినప్పటికీ స్పైడర్ మూవీ షూటింగ్‌కు అదనంగా డేట్స్ కేటాయించడం వల్ల వంశీ మహేష్ డేట్స్ కోసం ఎదురు చూశాడు. తాజాగా మహేష్‌తో 25 వ సినిమా చేస్తున్నట్టు అధికారిక ప్రకటన వచ్చేసింది. దిల్ రాజు, అశ్వనీదత్ సంయుక్తంగా నిర్మిస్తున్న ఈ మూవీ పూజాకార్యక్రమాలు రేపు (సోమవారం) జరగనున్నాయి. అయితే మహేష్ బాబు తన సినిమాలకు కొబ్బరికాయ కొట్టే కార్యక్రమానికి దూరంగా ఉంటాడు. సో అదే సెంటిమెంట్‌ను కంటిన్యూ చేస్తూ మహేష్ తన 25వ సినిమా పూజాకార్యమానికి కూడా దూరంగా ఉంటాడా? లేక హాజరౌతాడా అన్న దానిపై క్లారిటీ రావాల్సిఉంది. ఈ సినిమాలో మహేష్ సరసన ముచ్చటగా మూడోసారి కాజల్ అగర్వాల్ మహేష్ సరసన నటిస్తున్నట్టు వార్తలు వస్తున్నాయి.