ఆ పాత్రకు చిరంజీవి గారే బెస్ట్ : మలయాళి స్టార్ పృథ్వీరాజ్

పృథ్వీరాజ్ సుకుమారన్ (prithviraj sukumaran) తాజాగా తన కొత్త సినిమా కడువా (Kaduva) ప్రమోషన్‌లలో బిజీగా మారిపోయాడు ఇప్పుడు పృథ్వీరాజ్ అంటే నేషనల్ వైడ్‌గా ఫుల్ క్రేజ్ వచ్చింది. మరీ ముఖ్యంగా సౌత్‌లో అయితే ఆయన సినిమాలకు సపరేట్ ఫ్యాన్ బేస్ ఉంది. అందుకే అతను తన రాబోయే సినిమాను భారీ ఎత్తున రిలీజ్ చేయాలని ప్లాన్ వేశాడు. అందులో భాగంగా కడువా సినిమానుే ప్రమోట్ చేసుకునేందుకు హైద్రాబాద్‌కు వచ్చాడు.

ఈ క్రమంలో పృథ్వీరాజ్ మీడియాతో మాట్లాడుతూ అనేక విషయాల మీద స్పందించాడు. తెలుగులో సినిమాకు దర్శకత్వం చేయాలంటే ఏ హీరోతో చేస్తారు? అనే ప్రశ్న ఎదురైంది. దీనిక ఆయన ఆసక్తికరమైన సమాధానం ఇచ్చాడు. ‘నేను హీరోని కాదు.. కథను నమ్ముతా.. ఆ కథకు ఎవరు బాగుంటే వారితో చేస్తాను.. ఆ పాత్రకు ఎవరు సూట్ అయితే వారితోనే చేస్తాను.

మామూలుగా అయితే లూసిఫర్ సినిమాను చేసిన తరువాత.. దాన్ని తెలుగులో రీమేక్(lucifer remake) చేయాలనుకుంటే.. చిరంజీవి (chiranjeevi) సర్‌తోనే చేయాలని నేను అనుకున్నాను.. ఆ పాత్రకు ఆయనే బెస్ట్.. చివరకు ఆయనే ఈ సినిమాను రీమేక్ చేస్తున్నారు.. నాకు చాలా సంతోసంగా ఉంది.. ఆయన నాకు ఇది వరకే సైరాలో ఓ పాత్ర చేయమని అడిగారు.. కానీ నేను వేరే సినిమాలతో బిజీగా ఉండటం మూలన చేయలేకపోయాను.

లూసిఫర్ రీమేక్ చాన్స్ కూడా ఇచ్చారు.. కానీ మళ్లీ అదే కారణం.. నా సినిమాలతో బిజీగా ఉండటంలో డేట్స్ అడ్జస్ట్ చేయలేకపోయాను.. ఆ దేవుడు ఎప్పుడు అనుకుంటాడో.. అప్పుడు ఆయనతో నేను కలిసి చేస్తాను.. స్క్రిప్ట్, కథ దొరికితే ఆయనతో చేస్తాను.. ఆయనతో నటించాలని, సినిమా చేయాలని ఏ హీరోకు ఉండదండి’ అంటూ నవ్వులు పూయించేశాడు పృథ్వీరాజ్.