అఖిల్, ప్రియా ప్రకాష్ తెలుగు యాడ్.. నెటిజన్స్ చలోక్తులు!

సరసంగా కన్నుగీటి.. కుర్రాళ్లకు నిద్రలేకుండా చేసిన నేషనల్ క్రష్ ప్రియా ప్రకాష్ వారియర్ గుర్తుందా? అదేం ప్రశ్న, ఆమెను అంత ఈజీగా ఎలా మరిచిపోతాం? అని అనుకుంటున్నారా? అదీ నిజమే!! అయితే.. అప్పట్లో ఆమె సోషల్ మీడియాలో ఎంతగా ట్రెండైందో.. ఇప్పుడు అదే సోషల్ మీడియాలో అంతకంటే ఎక్కువగా ‘ట్రోల్’ అవుతోంది.

ఆమె నటించిన ‘ఒరు అదార్ లవ్’ సినిమాలోని కన్నుగీటే సన్నివేశంతో ఆమె సినీ పరిశ్రమను సైతం ఆకట్టుకుంది. దీంతో ఆఫర్లు కూడా బాగానే వరించాయి. వీటిలో కొన్నింటికి మాత్రమే ఆమె ఒకే చెప్పింది. ఆ తర్వాత ప్రియ కొన్ని ప్రకటనల్లో కూడా నటించింది. తెలుగులో అక్కినేని అఖిల్ సరసన ఓ షాపింగ్ మాల్ యాడ్‌లో నటించింది. ఇద్దరినీ జంటగా చూసి.. అక్కినేని అభిమానులు చాలా ఆనందపడ్డారు. అయితే, ఈ ప్రకటనలో అఖిల్, ప్రియ మధ్య జరిగే సంభాషణలను కొంతమంది ట్రోల్ చేస్తున్నారు.

ఈ యాడ్‌లో ‘‘అఖిల్ ఉవా.. ఉవా అంటే ఏమిటీ?’’ అని ప్రియ అడుగుతుంది. ఇందుకు అఖిల్.. ‘‘షాపింగ్ మాల్‌లోకి వెళ్లగానే నీకు ఏమనిపిస్తుంది?’’ అని అడుగుతాడు.. ఇందుకు ప్రియ ‘ఊ...’ అంటుంది. ‘‘ప్రైస్ రేంజ్ చూస్తే ఏమినిపిస్తుంది?’’ అని అఖిల్ అడిగితే ‘వావ్’ అంటుంది. ఇప్పుడు రెండూ కలిపి చెప్పు అనగానే.. ‘‘ఉ.. వావ్.. ఉవా ఉవా’’ అంటుంది. అయితే, నెటిజన్లకు ఇది కాస్త కొత్తగా, చిత్రంగా అనిపించడంతో.. ప్రియాపై సెటైర్లతో ట్రోల్ చేస్తున్నారు. ముఖ్యంగా ఆమె సొంత రాష్ట్రమైన కేరళాలోనే ఆమెపై జోకులు వేస్తుండటం గమనార్హం.
ప్రియా ప్రకాష్, అఖిల్ యాడ్:
సోషల్ మీడియాలో చక్కర్లు కొడుతున్న.. ఫన్నీ వీడియో:
Read this Article in Malayalam