హాలీవుడ్ షూట్‌లో ప్రియాంకా చోప్రా స్టన్నింగ్ లుక్స్

క్వాంటికో టీవీ సిరీస్‌తో హాలీవుడ్‌లో గుర్తింపు తెచ్చుకున్న ప్రియాంకా చోప్రా ఆ తర్వాతే బేవాచ్ సినిమాలో విలన్ రోల్ పోషించే అవకాశం దక్కించుకుంది. బేవాచ్ సినిమాలో తన అందం, అభినయంతో హాలీవుడ్ ఆడియెన్స్‌ని కట్టిపడేసిన ప్రియాంకా చోప్రా.. ఆ సినిమా రిలీజైన కొద్ది రోజులకే మరో హాలీవుడ్ సినిమా షూటింగ్‌లో పాల్గొంటూ కనిపించింది.

బ్రూక్లిన్‌లో జరుగుతున్న 'ఏ కిడ్ లైక్ జేక్ అనే సినిమా షూటింగ్ కోసం ఆరెంజ్ కలర్ దుస్తుల్లో లొకేషన్‌కి వచ్చిన ప్రియాంకా ఆ ఫోటోలని తన ఇన్‌స్టాగ్రామ్‌లో అభిమానులతో పంచుకుంది. ఆరెంజ్ కలర్ సమ్మరీ డ్రెస్సులో ప్రియాంకా చోప్రా స్టిన్నింగ్ లుక్స్ అద్దిరిపోయాయి.

బిగ్ బ్యాంగ్ థీయరి, హిడెన్ ఫిగర్స్ వంటి చిత్రాల ఫేమ్ జిమ్ పార్సన్స్, హోమ్‌ల్యాండ్, రోమియో+జూలియెట్ వంటి చిత్రాల్లో నటించిన నటి క్లేర్ డేన్స్ వంటి స్టార్స్‌తో కలిసి ప్రియాంకా చోప్రా ఈ సినిమాలో నటిస్తోంది. సిలాస్ హోవర్డ్ డైరెక్ట్ చేస్తున్న ఈ సినిమాలో ప్రియాంకా చోప్రా పాత్ర ఏంటనేదే ప్రస్తుతానికి క్లారిటీ లేదు.