ప్రియాంకను కదులుతున్న కారులోంచి తోసేసిన కోస్టార్!

వేగంగా దూసుకెళుతున్న ఓ కారులోంచి ప్రియాంకా చోప్రాను తన కోస్టార్ నెట్టేశాడు. తనను కారులోంచి నెట్టేస్తున్నా.. ప్రియాంక ఏమాత్రం తొణకకుండా.. బెనకకుండా అత్యంత ధైర్యం ప్రదర్శించింది. అలాగని అదేదో సినిమాకు సంబంధించిన షూటింగ్ కాదు. ఈ వీడియో ఇప్పుడు ఇంటర్నెట్‌లో హల్ చల్ చేస్తోంది. ప్రియాంక ఇప్పుడు తన అదృష్టాన్ని హాలీవుడ్‌లో పరీక్షించుకుంటున్న సంగతి తెలిసిందే. అక్కడ కూడా సత్తా చాటడానికి ఈ బాలీవుడ్ బ్యూటీ తెగ ప్రయత్నిస్తోంది.

టీవీ సిరీస్ క్వాంటికో నిమిత్తం ప్రియాంక.. అమెరికాలో పాగా వేసింది. ఇప్పటికే రెండు భాగాలు విజయవంతంగా పూర్తి చేసుకున్న ఈ షో ద్వారా ఆమె అక్కడ బాగానే పేరు సంపాదించుకుంది. ప్రస్తుతం క్వాంటికో-3 షూటింగ్‌లో ప్రియాంక బిజీగా ఉంది.

అయితే క్వాంటికో టీవీ సిరీస్‌ షూటింగ్ తర్వాత.. ప్రియాంక తన కోస్టార్‌తో కలిసి సరదాగా కారుతో గేమ్స్ ఆడుకుంది. వీడియోలో కనిపిస్తోంది కారే.. కానీ, అది ఎక్కడికీ వెళ్లట్లేదు.. అక్కడే ఉంది. కారు పక్కన ఉన్న స్క్రీన్ మాత్రం వేగంగా కదులుతోంది. అభిమానులను సరదాగా ఆట పట్టించడానికే ఈ సుందరి ఇలా చేసిందన్నమాట!
Who’s ready for the weekend? We know @priyankachopra and @russelltovey are! 😃😃 pic.twitter.com/2wDmQR0qHc — Team Priyanka Chopra (@TeamPriyanka) November 17, 2017
టీమ్ ప్రియాంక ట్విట్టర్ అకౌంట్లో ఈ వీడియోను పోస్టు చేస్తూ.. ‘వీకెండ్ ఎంజాయ్ చేయడానికి ఎవరెవరు సిద్ధంగా ఉన్నారు?’ అంటూ కామెంట్ పెట్టారు. మొత్తంమీద సినిమాల్లో ఛేజింగ్ సీన్లను ఎలా తీస్తారో.. అభిమానులు ఈ వీడియోలో మరోసారి చూడొచ్చు.