అబ్బా.. పొగడ్త అంటే అలాంటి ఇలాంటి పొగడ్తలు కాదు.. సినిమాల్లో పవన్ కళ్యాణ్ని పొగడాలన్నా.. రాజకీయాల్లో కేసీఆర్ని పొగడాలానన్నా.. నాకు నేనే పోటీ సరిరారు సాటి అంటున్నారు బండ్ల గణేష్.
Samayam Telugu20 Apr 2020, 1:18 pm
కేసీఆర్ అన్నట్టు.. మన గురించి మనం ఏం చెప్పుకుంటాం!! చెప్పుకుంటే.. ‘స్వరడబ్బ.. పరడబ్బ.. పరస్పర డబ్బా’ అవుతుందంటూ ఒకానొక ప్రెస్ మీట్లో తన భాషా పరిజ్ఞానంతో ఛలోక్తులు విసిరారు సీఎం కేసీఆర్. దీన్ని బట్టి ఇన్ డైరెక్ట్గా డబ్బా కొట్టేవాళ్లకు పంచ్ వేశారు సీఎం. అయితే ప్రముఖ కమెడియన్, నిర్మాత, పరమేశ్వర పౌల్ట్రీ ఫార్మ్స్ నిర్వాహకుడు బండ్ల గణేష్ మాత్రం ఈ విషయంలో అస్సలు తగ్గడం లేదు. సినిమాల్లో పవన్ కళ్యాణ్ని పొగడాలన్నా.. రాజకీయాల్లో కేసీఆర్ని పొగడాలన్నా నాకు నేనే పోటీ.. ఎవరూ రారు సాటి అన్నంత రీతిలో కేసీఆర్పై పొగడ్తల వర్షం కురిపిస్తున్నారు. కరోనా వైరస్ ప్రాథమిక దశలో ఉన్న తరుణంలో చికెన్, గుడ్లు తింటే కరోనా వస్తోందంటూ ప్రచారం నడిచింది. దీంతో పౌల్ట్రీ ఫార్మ్స్ నిర్వాహకులు చాలా ఆందోళనకు గురయ్యారు. ఈ తరుణంలో వాళ్లను ఆదుకునేందుకు.. ప్రజల్లో ఉన్న అపోహల్ని తొలగించేందుకు సీఎం కేసీఆర్తో పాటు మంత్రులు కేటీఆర్, తలసాని, ఈటల రాజేందర్ తదితరులు రంగలోకి దిగారు. చికెన్ మేళాలు నిర్వహించి మరీ అపోహల్ని తొలగించారు.
మీరు తీసుకునే నిర్ణయాల్లో సరిలేరు నీకెవ్వరు..
కేసీఆర్ ప్రెస్ మీట్లో సైతం చికెన్, గుడ్లు తినమని చెప్పడం కొసమెరుపు. కాగా.. కరోనా వ్యాప్తిని అరికట్టడంతో పాటు.. పౌల్ట్రీ ఫార్మ్స్ నిర్వాహకులకు భరోసా కల్పించిన కేసీఆర్పై అప్పటి నుంచి ప్రశంసల జల్లుకురిపిస్తూనే ఉన్నారు బండ్ల గణేష్. ‘భారతదేశ చరిత్రలో ఇటువంటి సమయాల్లో ఏ ముఖ్యమంత్రి లేని విధంగా ప్రజలకు అందుబాటులో ఉన్న మీకు మా హృదయపూర్వక ధన్యవాదాలు కేసీఆర్ సార్.. ఎన్ని కష్టాలైనా భరిస్తాం ఎన్ని రోజులు అయినా ఎదురు చూస్తాం మాకు మీరు ఉన్నారని భరోసా మీరు ఉన్నారనే ధైర్యం మీరు రక్షిస్తారు మీరంటే నమ్మకం.. జై కేసీఆర్, మా క్షేమం కోసం సమాజం కోసం మా పిల్లల కోసం మా భవిష్యత్తు కోసం మీరు తీసుకునే నిర్ణయాల్లో సరిలేరు నీకెవ్వరు’ అంటూ ట్వీట్స్తో హోరెత్తించిన బండ్ల గణేష్.. ఇప్పుడు ఆ పొగడ్తల తీవ్రతను రెట్టింపు చేస్తూ నేడు మరోమారు ట్వీట్స్ వదిలారు.
మాకు కొండంత అండ.. సాక్షాత్తూ భగవంతుడే
వీటిలో సీఎం కేసీఆర్ని సాక్షాత్తు భగవత్ స్వరూపులుగా అభివర్ణించారు బండ్ల గణేష్. స్వర్గీయ నందమూరి తారకరామారావుతో పోల్చుతూ వరుస ట్వీట్స్ చేశారు బండ్ల గణేష్. ‘గౌరవనీయులైన ముఖ్యమంత్రి కెసిఆర్ గారికి ఇంకొక్కసారి నా హృదయపూర్వక ధన్యవాదములు.. గర్భిణీ స్త్రీల పట్ల మీరు చూపించిన జాగ్రత్త వారికి ఇచ్చిన భరోసా వారికి నమ్మకం సూపర్ సార్.. లాక్ డోన్ విషయంలో మీరు తీసుకున్న నిర్ణయం అద్భుతం అమోఘం సార్ మీరు మాకు కొండంత అండ భరోసా మీ నిర్ణయం మేము శిరసా వహిస్తా సార్.. మీ మాటలు వింటుంటే సాక్షాత్తూ భగవంతుడే మీ లో ప్రవేశించి మీ ద్వారా మాకు చెప్పినట్టు ఉంది సార్.. మిమ్మల్ని చూస్తుంటే ముఖ్యమంత్రి పదవి ఒక అధికారం కాదు ఒక బాధ్యత ఒక నమ్మకం అని ఒక నిజాయితీ గుర్తు చేస్తున్నాయి.
అప్పట్లో ఎన్టీఆర్ ఇప్పుడు.. సాక్షాత్తు భగవత్ స్వరూపులు మీరు సార్..
మా పెద్దల మాకు నందమూరి తారక రామారావు సాక్షాత్ భగవత్ స్వరూపం అని చెబుతూ ఉండేవారు మేము ఇప్పుడు చూస్తున్న కె చంద్రశేఖర రావు అని మీరు సాక్షాత్తు భగవత్ స్వారుపులనిఅని మాకు నమ్మకం కలుగుతుంది. వ్యవసాయ రంగంలో మీరు అందిస్తున్న అండ భారత దేశంలోనే కాదు ప్రపంచంలో ఏ ప్రభుత్వం రైతులకు అందించడం లేదు. రైతు పక్షపాతి రైతు బిడ్డ అని మీరు ఒక సారి నిరూపించుకున్నారు సార్.. తెలంగాణ తల్లుల ఆశీస్సులు తో మీరు వందేళ్లు చల్లగా చక్కగా ఆరోగ్యంగా ఆనందంగా అధికారంతో ఉండాలని భగవంతుని కోరుకుంటూ మీ బండ్ల గణేష్’ అంటూ వరుస ట్వీట్లతో కేసీఆర్పై పొగడ్తల వర్షం కురిపించారు బండ్ల గణేష్.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.