Pawan Kalyan: రికార్డులు తిరగరాసే సినిమాలు తీయండి.. పవన్ కళ్యాణ్‌కు బండ్ల గణేష్ రిక్వెస్ట్

నిత్యం సోషల్ మీడియాలో యాక్టివ్‌గా ఉండే నటుడు, ప్రొడ్యూసర్ బండ్ల గణేశ్‌ (Bandla Ganesh).. పవర్‌ స్టార్‌ పవన్‌ కళ్యాణ్‌కు (Pawan Kalyan)కు ఓ రిక్వెస్ట్ చేశారు. తన దైవసమానులు పవన్ కళ్యాణ్ అంటూ సంబోధిస్తూ ట్వీట్ చేశారు. తెలుగు చలన చిత్ర చరిత్రలో రికార్డులు తిరగరాసే సినిమా త్వరగా తీయాలని మనస్ఫూర్తిగా కోరుకుంటున్నట్లు చెప్పారు. 'మిమ్మల్ని అర్థం చేసుకొని మిమ్మల్ని ప్రేమిస్తూ మీ ప్రేమను పొందుతూ సినిమా తీస్తే బాక్స్ బద్దలే..' అంటూ రాసుకొచ్చారు. ప్రస్తుతం ఈ ట్వీట్ వైరల్ అవుతోంది.

గబ్బర్ సింగ్ మూవీ సెట్స్ ఫొటోలను షేర్ చేసుకున్నారు బండ్ల గణేష్. ఈ పోస్ట్‌కు కొందరు పాజిటివ్‌గా స్పందిస్తుంటే.. మరికొందరు నెగిటివ్‌గా కామెంట్స్ పెడుతున్నారు. పవర్ స్టార్‌తో మళ్లీ మూవీ చేస్తున్నారా..? అని బండ్లను అడుగుతున్నారు. 'ఇది కదా ఊపు వచ్చే విషయం బండ్ల గణేష్ అన్న మళ్లీ ఎలాగైనా హ్యాట్రిక్ కొట్టాలి.. అది నీ ఫిల్మ్ అయ్యి ఉండాలని కోరుకుంటున్నా అన్న..' అంటూ ఓ అభిమాని కామెంట్ చేశాడు. 'నువ్వు ఏంటో నీ విధానాలు ఏంటో అస్సలు అర్థం అవ్వవు బండ్ల అన్న... దైవం అంటావు.. ఎవరు అయిన అన్నయ్య నీ పర్సనల్‌గా టార్గెట్ చేస్తే ఎప్పుడు కూడా బయటకు వచ్చి ఖండించవు.. ఏమి అన్న ఉపయోగం నీ వల్ల మా అన్నయ్యకి..' అంటూ మరో నెటిజన్ ప్రశ్నించాడు.


గతంలో పవన్‌తో కలిసి బండ్ల గణేష్ తీన్‌మార్, గబ్బర్ సింగ్ సినిమాలను నిర్మించిన సంగతి తెలిసిందే. మరోవైపు పవన్ కళ్యాణ్ ప్రస్తుతం రాజకీయాలపై పూర్తిగా దృష్టి కేటాయించారు. అందుకే సినిమాలకు కాస్త విరామం ఇచ్చారు. ఆయన కోసం వరుసగా సినిమాలు క్యూలో ఉన్నాయి. క్రిష్ డైరెక్షన్‌లో హరిహర వీరమల్లు మూవీ సెట్స్‌‌పై ఉంది. ఆ తరువాత హరీశ్ శంకర్ దర్శకత్వంలో 'భవదీయుడు భగత్‌సింగ్‌' చేయాల్సి ఉంది. ఈ సినిమాతో పాటు తమిళ సినిమా 'వినోదాయ సీతాం'కు కూడా పవన్ ఒకే చేశారు.