ఈసారి పీఎస్‌పీకే 25 ఫస్ట్ లుక్, టైటిల్ పక్కా!!

పవర్ స్టార్ పవన్ కల్యాణ్ అప్‌కమింగ్ మూవీకి సంబంధించిన టైటిల్ నుంచి ఫస్ట్ లుక్ వరకు ప్రతీ విషయం ఎప్పటికప్పుడు పవర్ స్టార్ అభిమానులని సస్పెన్స్‌కి గురిచేస్తూనే వుంది కానీ ఇప్పటివరకు ఈ రెండింటిలోనూ దేనిపై కూడా సరైన స్పష్టత ఇవ్వలేదు ఆ మూవీ మేకర్స్. సినిమాకు సంబంధించిన స్టార్స్ బర్త్ డే వేడుకల సందర్భాల్లో ఇవి విడుదలవుతాయని అభిమానులు వేచిచూసినప్పటికీ సినిమా కాన్సెప్ట్ పోస్టర్స్, కీర్తి సురేష్ ఫస్ట్ లుక్, బయటికొచ్చి చూస్తే ట్రాక్ లాంటివి తప్ప టైటిల్‌పై వున్న సందిగ్థత మాత్రం తొలగిపోలేదు.

అందుకే ఈసారి ఎలాగైనా ఈ నెల 25వ తేదీన పీఎస్‌పీకే 25 ఫస్ట్‌లుక్‌తోపాటు టైటిల్ కూడా విడుదల చేయాలని మూవీ మేకర్స్ కాస్త గట్టిగానే నిర్ణయించుకున్నట్టు తెలుస్తోంది. ఈ సినిమా టైటిల్‌పై పలు పేర్లు ప్రచారంలో వున్నప్పటికీ అందులో ఇంకా ఏదీ కూడా అధికారికంగా ఖరారు కాలేదు. దీంతో టైటిల్‌పై సైతం సస్పెన్స్ కొనసాగుతోంది. త్రివిక్రమ్ డైరెక్ట్ చేస్తున్న ఈ సినిమాను హారికా అండ్ హాసిని క్రియేషన్స్ బ్యానర్‌పై ఎస్ రాధాకృష్ణ నిర్మిస్తున్నారు. ప్రస్తుతానికి దాదాపు షూటింగ్ పార్ట్ కూడా పూర్తి కావచ్చింది.