జబర్దస్త్‌ టీంకు దసరా కానుక ఇచ్చిన రోజా

బుల్లితెర మీద మోస్ట్‌ సక్సెస్‌ఫుల్ షోలలో ఒకటిగా పేరు తెచ్చుకున్న జబర్దస్త్‌ టీమ్‌కు ఆ షో న్యాయనిర్ణేత, ఎమ్మెల్యే, ఏపీఐఐసీ చైర్మన్‌ రోజా దసరా సందర్భంగా భక్తి గ్రంధాలను కానుకగా ఇచ్చింది. ప్రముఖ రచయిత పురాణపండ శ్రీనివాస్‌ గారు రచించిన శ్రీ పూర్ణిమ గ్రంథానికి రోజా ప్రచురణ కర్తగా వ్యవహరించారు.

పురాణపండ శ్రీనివాస్‌ గారు గతంలో రాష్ట్ర దేవాదాయ ధర్మాదాయ శాఖలో కీలక పదవి పనిచేశారు. శ్రీశైలదేవస్థానానికి కూడా ప్రత్యేక సలహాదారునిగా వ్యవహరించి ఎన్నో ఆద్యాత్మిక కార్యక్రమాలకు శ్రీకారం చుట్టారు. రచయితగా ఎన్నో దివ్య గ్రంథాలను అందించిన పురాణపండ గారికి రచనలకు ఎంతో ఆదరణ ఉంది. అందుకే రోజా పుస్తకాలకు తాను సమర్పకురాలిగా వ్యవహరించారు.

Also Read: సంక్రాంతి పోటీ.. కళ్యాణ్ రామ్‌ నలిగిపోతాడేమో!

రోజా సమర్పించిన ఈ గ్రంధంలో తనకు ఆత్మ బంధువులైన వారాహి చలన చిత్రం అధినేతలు సాయి కొర్రపాటి, రజని కొర్రపాటి దంపతుల పేర్లను శ్రీనివాస్ కృతజ్ఞతాపూర్వకంగా ప్రకటించారు. రోజా ఇటీవల పురాణపండ శ్రీనివాస్ తో ప్రచురించిన శ్రీపూర్ణిమ గ్రంధానికి మంచి స్పందన వస్తోంది.

తిరుమల, శ్రీశైలం, అన్నవరం, సింహాచలం, అహోబిలం, యాదాద్రి మొదలుకొని ఎన్నో , ఎన్నెనో మహా శైవ వైష్ణవ ఆలయాల అర్చకులకు, వేద పండితులకు, వేదపాఠశాలలకు రోజా స్వయంగా ఈ గ్రంథాన్ని సమర్పించారు. అయితే... దసరా సందర్భాన్ని పురస్కరించుకుని జబర్దస్త్ టీం అందరికీ రోజా ఈ గ్రంధాన్ని అందజేశారు. దివ్య గ్రంథాన్ని స్వీకరించిన వారు రోజాకు కృతజ్ఞతలు తెలియజేశారు.

Also Read: ఇది `బ్యూటిఫుల్‌` కాదు... యమా ఘాటు రొమాన్స్‌!

అమ్మవారికి ఎంతో ఇష్టమైన మూలా నక్షత్రం రోజున మహా సరస్వతి దివ్య అలంకారం సందర్భంగా కొండపై వేలాది భక్తులకు, సరస్వతి పూజలో పాల్గొన్న దంపతులకు, విద్యార్థి బృందాలకు తాను ప్రచురించిన 'దుర్గే ప్రసీద' దివ్య గ్రంధాన్ని స్వయంగా పంచి పెట్టారు రోజా.