Bandla Ganesh Speech : చీప్‌గా వాగొద్దు.. చీప్‌గా ప్రవర్తించొద్దు!.. పూరి జగన్నాథ్ మాటలు బండ్ల గణేష్ కోసమేనా?

బండ్ల గణేష్ (Bandla Ganesh) తాజాగా చోర్ బజార్ ప్రీ రిలీజ్ ఈవెంట్(chor bazaar event)లో మాట్లాడిన మాటలు అందరినీ ఒక్కసారిగా అయోమయానికి గురి చేశాయి. ఏంటి పూరి జగన్నాథ్ తన కొడకుని కూడా వదిలేశాడా? ఫ్యామిలీని పట్టించుకోవడం లేదా? భార్య లావణ్యతో ఎడమొహం పెడమొహంగా ఉంటున్నాడా? అనే అర్థాలు వచ్చేలా? బండ్ల గణేష్ స్పీచ్ సాగింది. లావణ్యను పొగిడిన తీరు, కొడుకు ఈవెంట్‌కు కూడా రాకుండా ఏం బిజీగా ఉన్నావ్ అంటూ పూరిని నిలదీసిన తీరు చూస్తుంటే బండ్ల గణేష్ మరీ ఎక్కువగా పర్సనల్ విషయాలను టచ్ చేసినట్టు అనిపిస్తుంది.అయితే బండ్ల గణేష్ స్టేజ్ ఎక్కితే పూనకం వచ్చినట్టుగా ఊగిపోతాడన్న సంగతి తెలిసిందే. ఆ ప్రవాహాంలో ఏ మాటలు బయటకు వస్తాయో కూడా ఊహించడం కష్టం. అయితే ఇప్పుడు బండ్ల గణేష్ మాటలకు మాత్రం పూరి జగన్నాథ్ కౌంటర్ వేసినట్టు అనిపిస్తోంది. పూరి మ్యూజింగ్స్‌లో భాగంగా యూట్యూబ్ షార్ట్స్‌లో ఓ ఆడియోను షేర్ చేశాడు పూరి జగన్నాథ్. అందులో ఏముందంటే..

‘గుర్తు పెట్టుకోండి.. మన నాలుకు కదులుతున్నంత సేపు మనం ఏమీ నేర్చుకోలేం.. అందుకే జీవితంలో ఎక్కువ సేపు మనం వింటూ ఉండాలి.. అదే మంచిది.. ఫ్యామిలీ మెంబర్స్ కావొచ్చు.. మీ ఫ్రెండ్స్ కావొచ్చు.. ఆఫీస్ మెంబర్స్ కావొచ్చు.. ఆకరికి కట్టుకున్న భార్య దగ్గర కూడా ఆచితూచి మాట్లాడండి.. చీప్‌గా వాగొద్దు.. చీప్‌గా ప్రవర్తించొద్దు.. మన వాగుడు మన కెరీర్‌ను, క్రెడిబులిటీని డిసైడ్ చేస్తది.. మీరు వినే ఉంటారు సుమతీ శతకం.. నొప్పింపక తానొవ్వక తప్పించుక తిరుగువాడు ధన్యుడు సుమతీ.. తప్పు మాట్లాడటం కంటే నాలుక కొరికేసుకోవడం చాలా మంచిది..చివరగా ఒక మాట.. నీ లైఫ్, నీ డెత్.. నీ టంగ్ మీద ఆధారపడి ఉంటుంది’.. అని యూట్యూబ్ షార్ట్స్‌లో పూరి జగన్నాథ్ చెప్పిన మాటలు ఇప్పుడు నెట్టింట్లో వైరల్ అవుతున్నాయి.

ఇవి కచ్చితంగా కూడా బండ్ల గణేష్ ఇచ్చిన స్పీచుకు కౌంటర్ అని పూరి అభిమానులు అభిప్రాయ పడుతున్నారు. పూరి గురించి తెలియకుండా ఇలా పిచ్చి పిచ్చిగా మాట్లాడాడంటూ, కొడుకుని పట్టించుకోవడం లేదనే ఉద్దేశ్యంలో పూరిని కార్నర్ చేశాడంటూ బండ్ల గణేష్ స్పీచ్ మీద పూరి ఫ్యాన్స్ అసహనం వ్యక్తం చేస్తున్నారు. మొత్తానికి బండ్ల గణేష్ మాటల తీవ్రత ఇప్పట్లో తగ్గుతుందో లేదో చూడాలి.