ఆర్జీవీ పోలీస్ అధికారిగా పూరీ సినిమా!

దర్శకుడు పూరీ జగన్నాథ్.. రామ్‌గోపాల్ వర్మతో సినిమా తీస్తున్నారంటే నిజంగా అది పెద్ద సెన్సేషనలే. పోర్న్‌స్టార్‌ మియా మల్కొవా ప్రధాన పాత్రలో రాంగోపాల్‌వర్మ తెరకెక్కించిన ‘గాడ్‌, సెక్స్‌ అండ్‌ ట్రూత్‌’(జీఎస్‌టీ) సినిమాపై సామాజిక కార్యకర్త దేవి పోలీసులకు ఫిర్యాదు చేసిన సంగతి తెలిసిందే. ఆమె ఫిర్యాదును స్వీకరించిన హైదరాబాద్‌ సీసీఎస్‌ పోలీసులు శనివారం ఆర్జీవీని సుమారు 4 గంటల సేపు విచారించారు.

విచారణ తర్వాత వర్మ పలు ట్వీట్లు చేశారు. ‘‘నేను చాలా ఆశ్యర్యకరమైన ఆనందంలో ఉన్నా. సీసీఎస్‌ టీమ్‌ ప్రొఫెషనలిజం నన్ను థ్రిల్‌ చేసింది’’ అని తెలిపారు. మరో ట్వీట్లో ‘‘నాకు పోలీస్ ఆఫీసర్‌ పాత్రలో నటించాలని ఉంది. దర్శకులందరూ నా విన్నపాన్ని పరిశీలించాలని మనవి’’ అని కోరారు.

వర్మ ట్వీట్‌కు ఆయన శిష్యుడు పూరీ జగన్నాథ్ స్పందిస్తూ.. ‘‘సర్‌! స్క్రిప్ట్ సిద్ధంగా ఉంది. మీ డేట్స్‌ కోసం వేచి చూస్తున్నా’’ రీట్వీట్ చేశారు. ఇందుకు వర్మ ‘థాంక్యూ సర్‌!’ అని రిప్లై ఇచ్చారు.

గురు శిష్యుల సరదా సంభాషణ చూసిన నెటిజన్లు వర్మ పోలీస్ అధికారిగా తీసే సినిమాకు టైటిళ్లు కూడా పెట్టేశారు. గురూజీ పక్కన సన్నీలియన్‌ను హీరోయిన్‌గా పెట్టాలని కొందరు పూరీని కోరారు. ‘ఆర్జీవీ తోపు.. దమ్ముంటే ఆపు’, ‘ఆఫీసర్’, ‘పోలీసోడు’ అంటూ రకరకాల టైటిళ్లను సూచిస్తున్నారు. కొందరైతే ‘‘గన్ లాంటి చూపు స్టన్ గన్ లాంటి రూపు అంచనాలకసలు అందండండి బాబూ!’’ అంటూ పాటలు కూడా అల్లేశారు. ఆర్జీవీ రిక్వెస్ట్‌ను పూరీ సీరియస్‌గా తీసుకుంటే.. త్వరలోనే ఆయన్ను మనం పోలీస్ ఆఫీసర్‌గా చూడొచ్చు!!

Image courtesy: Twitter