పెళ్లిపై విజయ్ దేవరకొండ కామెంట్స్.. నా కంటే ముందు తమ్ముడికే అంటూ ఓపెన్! ఆ సీక్రెట్ రివీల్

టాలీవుడ్ మోస్ట్ ఎలిజిబుల్ బ్యాచిలర్ లిస్టులో ఒకరు విజయ్ దేవరకొండ. కరోనా లాక్‌డౌన్ తర్వాత టాలీవుడ్ యంగ్ హీరోలు ఒక్కొక్కరుగా పెళ్లి పీటలెక్కుతుండటంతో అందరి దృష్టి విజయ్ దేవరకొండపై పడింది. ఈ నేపథ్యంలో తాజాగా ఓ స్పెషల్‌ చిట్‌చాట్‌లో పాల్గొన్న విజయ్.. తన పెళ్లి విషయమై ఓపెన్ అయ్యారు. తన కంటే ముందు తమ్ముడి పెళ్లి ఉంటుందంటూ ఫన్నీ కామెంట్ చేశారు.

విజయ్ దేవరకొండ తమ్ముడు, టాలీవుడ్ హీరో ఆనంద్‌ దేవరకొండ ప్రధాన పాత్రలో నటించిన చిత్రం ‘పుష్పక విమానం’. ఆనంద్ దేవ‌ర‌కొండ మూడో సినిమాగా ఈ చిత్రం ప్రేక్షకుల ముందుకు రాబోతోంది. దామోద‌ర అనే నూత‌న ద‌ర్శ‌కుడు దర్శకత్వం వహిస్తున్న ఈ సినిమాలో శాన్వి మేఘ‌న‌, గీత సైనీ హీరోయిన్లుగా నటిస్తుండగా.. సునీల్, సీనియ‌ర్ న‌రేష్ కీల‌క పాత్రలు పోషిస్తున్నారు. ఈ చిత్రానికి విజయ్‌ దేవరకొండ నిర్మాతగా వ్యవహరించడం విశేషం.

మరికొద్ది రోజుల్లో ఈ సినిమా ప్రేక్షకుల ముందుకు రానున్న నేపథ్యంలో చిత్ర ప్రమోషన్స్‌లో భాగంగా దేవరకొండ బ్రదర్స్‌ ఓ స్పెషల్‌ చిట్‌చాట్‌‌లో పాల్గొన్నారు. అందుకు సంబంధించిన వీడియోను విజయ్ పంచుకున్నారు. తమ జీవితాల్లో జరిగిన ఆసక్తికర సంఘటనలను అన్నదమ్ములిద్దరూ సరదాగా చెప్పారు. అయితే విజయ్ దేవరకొండ తనకంటే ముందు తన తమ్ముడికే పెళ్లి అంటూ ఫన్నీ కామెంట్ చేయడం ఇందులో స్పెషల్ అట్రాక్షన్ అయింది.
ఊహించిన దాన్ని మించి..! షూటింగ్‌ చేస్తుండగా పూరి ఆ మాట అనేవారు.. ఛార్మి ఓపెన్
ఇకపోతే రొమాంటిక్ కామెడీ ఎంటర్‌టైనర్‌గా తెరకెక్కిన ఈసినిమాలో ఆనంద్‌ అమాయకుడైన యువకుడి పాత్రలో నటించారు. ఈ సినిమాతో ఆనంద్‌కి బ్రేక్ వస్తుందని అంతా భావిస్తున్నారు.