రాశి.. నెక్ట్స్ టాప్ హీరోయిన్ ఈమెనా?

మొదట్లో ఈమె అసలు హీరోయిన్ మెటీరియలేనా? అని కొన్ని కామెంట్లు వినిపించాయి. హీరోయిన్ కాదు, హీరోయిన్ ఫ్రెండ్ రోల్స్ కు పనికొస్తుందేమో అనే వ్యాఖ్యానాలూ వచ్చాయి. అయితే.. వాళ్ల అంచనాలు తలకిందుల చేస్తూ సాగుతోంది రాశీ ఖన్నా కెరీర్. తెలుగు వాళ్లకు ‘ఊహలు గుసగుసలాడే’ సినిమాతో పరిచయం అయిన ఈ భామ... ఇప్పుడు చేతినిండా అవకాశాలతో సాగుతోంది. ఒక దశలో తమన్నా వంటి హీరోయిన్ మెయిన్ రోల్ లో ఉంటే.. సెకెండ్ హీరోయిన్ పాత్రలు చేస్తూ వచ్చిన రాశి.. ఇప్పుడు కుర్ర హీరోలకు ప్రధాన హీరోయిన్ గా మారింది.

‘తొలి ప్రేమ’సినిమా రాశిని కొత్త హైట్స్ కు తీసుకెళ్లింది. ఇదే సమయంలో.. ఈమెకు మలయాళం, తమిళ భాషల్లో కూడా అవకాశాలు వస్తూ ఉన్నాయి. ఈ పరంపరలో... ఎస్ఎస్ రాజమౌళి సినిమాలో కూడా రాశిని అవకాశం వరిస్తున్నట్టుగా వార్తలు వస్తున్నాయి. చరణ్, ఎన్టీఆర్ కాంబోలో రాజమౌళి చేసే సినిమాలో రాశీ ఖన్నా ఒక హీరోయిన్ గా నటించే అవకాశం ఉన్నట్టు సమాచారం. మరి అదే గనుక జరిగితే.. రాశీ పేరు మార్మోగే అవకాశం ఉంది. అనామకంగా కెరీర్ ను ఆరంభించిన ఈమె.. టాప్ హీరోయిన్ అనిపించుకునే రోజులు మరెంతో దూరంలో లేనట్టున్నాయి!

రాశీ ఖన్నా లేటెస్ట్ ఫొటో గ్యాలరీ