రాశీఖన్నా వీడియో వైరల్

టాలీవుడ్ యంగ్ బ్యూటీ రాశీఖన్నా మార్చి 8న అంతర్జాతీయ మహిళా దినోత్సవం సందర్భంగా .. 'బిలీవ్‌ ఇన్‌ యూ' అంటూ ఓ వీడియోతో ఆకట్టుకోనుంది. ప్రస్తుతం టాలీవుడ్‌లో బిజీగా ఉన్న ఈ భామ హీరోయిన్‌గా కాక సొంతంగా ప్రొడక్షన్ హౌస్‌ ఏర్పాటు చేసింది. తాజాగా తన ఫేస్‌బుక్‌ ఖాతాలో బిలీవ్ ఇన్ యూ అనే మేకింగ్‌ వీడియోను తన అభిమానులతో షేర్ చేసుకుంది. ప్రస్తుతం ఈ వీడియో సోషల్ మీడియాలో వైరల్ అవుతోంది.

ఇప్పటికే ఫేస్ బుక్‌లో యాక్టివ్‌గా ఉన్న ఈ యంగ్ బ్యూటీ ఈ మేకింగ్ వీడియోను ఉమెన్స్ డే సందర్భంగా అందరికీ షేర్ చేయాలని అభిమానులనుకోరింది. అంతేకాదు ‘నేనంటే ధైర్యం, నేనంటే అగ్ని, నేనంటే మీరు కోరుకున్నట్లుగా ఉండటం కాదు.. నాకు నచ్చినట్లుగా ఉండటం' అంటూ ఓ కవితను కూడా సొంతంగా రాసి పోస్ట్ చేయండంతో అభిమానులను మరింత ఆకట్టుకోగలిగింది ఈబ్యూటీ.

‘మహిళలకోసం ఏదైనా చేయాలనే ఉత్సాహంతోనే ఈ వీడియోను షూట్ చేశామని.. ‘నీ కంటే గొప్పవారు లోకంలో ఎవరూ ఉండరని, నిన్ను నువ్ పూర్తిగా నమ్ముకుంటే విజయం నీ సొంతం అవుతుందనేది ఈ వీడియో సారాంశం.