రాధికా ఆప్టే న్యూడ్ 'పార్చ్‌డ్' ట్రైలర్

అజయ్ దేవగన్ నిర్మాతగా, లీనా యాదవ్ దర్శకత్వంలో బాలీవుడ్ లో 'పార్చ్‌డ్' అనే చిత్రం తెరకెక్కింది. కొద్ది రోజుల క్రితం ఈ సినిమాలో రాధిక ఆప్టే నగ్నంగా నటించిన సన్నివేశాలు లీక్ అయ్యాయి. లీక్ అయిన వీడియోలలో రాధికా ఆప్టే పూర్తిగా నగ్నంగా కనిపించడంతో పాటు తన కోస్టార్ అదిల్ హుస్సైన్ తో రొమాన్స్ చేసే సన్నివేశాలు రెచ్చగొట్టేలా ఉన్నాయి. నిజానికి ఈ సినిమా భారత్ లోని గ్రామీణ మహిళలు ఎదుర్కొంటున్న సమస్యలు, మహిళలపై జరిగే ఆకృత్యాలు, అత్యాచారాలు, లైంగిక దాడులు, బాల్య వివాహాలు. భర్త కోల్పోయిన మహిళలపై ఈ సమాజం చూపు తదితర అంశాలను ఈ సినిమాలో చాలా బోల్డ్ గా చూపించారు. ప్రపంచవ్యాప్తంగా పలు ఫిల్మ్ ఫెస్టివల్లలో ప్రదర్శితమైన ఈ సినిమాకు 18 అంతర్జాతీయ అవార్డులు వచ్చాయి. తాజాగా ఈ సినిమా అఫీషియల్ ట్రైలర్ ను చిత్ర నిర్మాత అజయ్ దేవగన్ విడుదల చేశారు. ఈ ట్రైలర్ చివర్లో 'యత్ర నార్యస్తు పూజ్యంతే.. రమంతే తత్ర దేవతా' అనే సందేశాన్ని జోడించారు. సెప్టెంబర్ 23న 'పార్చ్‌డ్' సినిమా ప్రేక్షకుల ముందుకు రాబోతుంది.