శ్రీరెడ్డి పశ్చాత్తాపం: వాళ్లని ద్వేషించా.. నా తల వాళ్ల కాళ్ల దగ్గర పెడుతున్నా

వివాదాస్పద నటి శ్రీరెడ్డిలో మార్పు వచ్చింది. ఎప్పుడు వివాదాస్పద వ్యాఖ్యలతో ఫైర్ బ్రాండ్‌గా బూతుల దండకం అందుకునే శ్రీరెడ్డి పశ్చాత్తాప పడుతోంది. ఆమె ఏంటి?? పశ్చాత్తాపం పడటం ఏంటి?? కొంపతీసి ఆమె చిరకాల శత్రువు పవన్ కళ్యాణ్‌పై చేసిన.. చేస్తోన్న వ్యాఖ్యలు, బూతులపై పశ్చాత్తాప పడుతోందా? అనుకుంటే పొరపాటే.. ఆమె పశ్చాత్తాప పడుతోంది పవన్ గురించి కాదు.. రాధికా శరత్ కుమార్‌ల గురించి.


గతంలో తమిళ నటులు రాధికా శరత్ కుమార్‌లపై సంచలన కామెంట్స్‌తో వార్తల్లోకి వచ్చిన శ్రీరెడ్డి.. చేసిన తప్పుకు పశ్చాత్తాప పడుతోంది. ‘రాధికా శరత్ కుమార్ గారు.. చాలాకారణాలతో మిమ్మల్ని ద్వేషించాను.. ఇప్పుడు నా తల మీ పాదాల దగ్గర పెడుతున్నా’ అంటూ తన ఫేస్ బుక్‌లో పోస్ట్ పెట్టింది శ్రీరెడ్డి. గతంలో ప్రముఖ దర్శకుడు, కొరియోగ్రాఫర్ లారెన్స్‌పై కూడా సెక్సువల్ ఆరోపణలు చేసిన శ్రీరెడ్డి ఆ తరువాత రియలైజ్ అయ్యింది. మరి పవన్ కళ్యాణ్ విషయంలో ఈ పశ్చాత్తాపం ఎప్పుడు ఉంటుందో చూడాలి.