మూవీ ఆర్టిస్ట్ అసోసియేషన్ ఎన్నికల్లో తాను ఈసారి అధ్యక్షుడిగా ఎన్నిక కావాలని అనుకున్నానన్నారు హీరో రాజశేఖర్. రీసెంట్గా అసోషియేషన్లోని కొంత మంది సభ్యులతో ప్రకాశ్ రాజ్ ఓ సమావేశం ఏర్పాటు చేశారు. సదరు ప్యానెల్లోని సభ్యులతో పాటు అసోసియేషన్లోని కొంత మంది సబ్యులు కూడా ఈ సమావేశానికి హాజరయ్యారు. ఇందులో గత ‘మా’ ఎన్నికల్లో వైస్ ప్రెసిడెంట్గా ఎన్నికైన రాజశేఖర్ తర్వాత జరిగిన పరిణామాలతో తన పదవికి రాజీనామా చేశారు. అయితే ఈసారి మాత్రం అధ్యక్షుడిగా పోటీ చేయాలని అనుకున్నారట. అయితే ప్రకాశ్ రాజ్తో మాట్లాడిన తర్వాత మనసు మార్చుకున్నానని అన్నారాయన. ‘‘మా అధ్యక్ష పదవి అనేది ఓ బాధ్యత. నిజానికి నేను ఈ అసోషియేషన్లో ఈసారి అధ్యక్షుడిగా పోటీ చేయాలని అనుకున్నాను. అయితే ప్రకాశ్రాజ్గారితో మాట్లాడిన తర్వాత ఆయనే దీనికి కరెక్ట్ అనిపించింది. ఆయనకు పలు చిత్ర పరిశ్రమల్లో పని చేసిన అనుభవంతో పాటు, ఆయా చిత్ర పరిశ్రమల్లోని వ్యక్తులతోనూ పరిచయం ఉంది, తద్వారా ఆయన ఫండ్ రైజింగ్ ఈవెంట్స్ను చక్కగా ఆర్గనైజ్ చేయగలరని అనిపించింది. మనలో ఎంతో మంది ధనవంతులు, పేరున్న ఆర్టిస్టులున్నారు. అయితే, అసోషియేషన్కు పేరు ప్రతిష్టలు రావాలంటే మంచి అధ్యక్షుడు కావాలి.
అసోషియేషన్ కార్యక్రమాలను నిర్వహించడానికి డబ్బులు కావాలి. అందుకోసం ఫండ్ రైజింగ్ కార్యక్రమాలను నిర్వహించాల్సి ఉంటుంది. అందుకు ప్రకాశ్ రాజ్ అయితే చక్కగా సరిపోతాడనిపించింది. అసోషియేషన్ అభివృద్ధికి ఏం చేయాలో ఆయనకు బాగా తెలుసు’’ అన్నారు. అలాగే తను శేఖర్ అనే సినిమా కోసం లుక్ మార్చుకుంటే చాలా మంది ఫోన్ చేసి అలా మారిపోయారేంటి? అని అడుగుతున్నారని చెప్పిన రాజశేఖర్. ఇప్పటి వరకు ప్రకాశ్రాజ్తో కలిసి పనిచేయలేదని, ఆ అవకాశం కూడా త్వరలోనే వస్తుందని భావిస్తున్నట్లు తెలిపారు. అక్టోబర్ 10న ‘మా’ ఎన్నికలు జరగబోతున్నాయి.
అసోషియేషన్ కార్యక్రమాలను నిర్వహించడానికి డబ్బులు కావాలి. అందుకోసం ఫండ్ రైజింగ్ కార్యక్రమాలను నిర్వహించాల్సి ఉంటుంది. అందుకు ప్రకాశ్ రాజ్ అయితే చక్కగా సరిపోతాడనిపించింది. అసోషియేషన్ అభివృద్ధికి ఏం చేయాలో ఆయనకు బాగా తెలుసు’’ అన్నారు. అలాగే తను శేఖర్ అనే సినిమా కోసం లుక్ మార్చుకుంటే చాలా మంది ఫోన్ చేసి అలా మారిపోయారేంటి? అని అడుగుతున్నారని చెప్పిన రాజశేఖర్. ఇప్పటి వరకు ప్రకాశ్రాజ్తో కలిసి పనిచేయలేదని, ఆ అవకాశం కూడా త్వరలోనే వస్తుందని భావిస్తున్నట్లు తెలిపారు. అక్టోబర్ 10న ‘మా’ ఎన్నికలు జరగబోతున్నాయి.