మెగా హీరోపై రూమర్స్‌కి క్లారిటీ ఇచ్చిన దర్శకుడు

'పటాస్' ఫేమ్ అనిల్ రావిపూడి అప్‌కమింగ్ మూవీ 'రాజా ది గ్రేట్'లో మెగా హీరో సాయిధరమ్ తేజ్ ఓ అతిథి పాత్ర పోషిస్తున్నాడనే ప్రచారం జరిగింది. ఈ అక్టోబర్ 18వ తేదీన రాజా ది గ్రేట్ సినిమా రిలీజ్ కానున్న నేపథ్యంలో తాజాగా మీడియాకు ఇంటర్వ్యూ ఇచ్చిన అనిల్ రావిపూడి.. సాయిధరమ్ తేజ్ అతిథి పాత్రపై క్లారిటీ ఇచ్చాడు. బయట ప్రచారం జరుగుతున్నట్టుగా రాజా ది గ్రేట్ సినిమాలో తేజు అతిథి పాత్ర పోషించడం లేదని స్పష్టం చేశాడు డైరెక్టర్.

గతంలో రాజా ది గ్రేట్ షూటింగ్ జరుగుతున్న సమయంలో అనిల్ రావిపూడి, రవితేజ, మెహ్రీన్ ఫిర్జాదా, రాశి ఖన్నా, సాయిధరమ్ తేజ్ లు అందరూ కలిసి తీసుకున్న ఓ సెల్ఫీ సోషల్ మీడియాలో వైరల్ అయింది. వైరల్ అయిన ఆ ఫోటోనే.. రాశి ఖన్నా లాగే తేజు కూడా ఇందులో గెస్ట్ రోల్ పోషిస్తున్నాడా అనే ప్రచారానికి కారణమైంది. కానీ అటువంటిదేమీ లేదని చెప్పి ఆడియెన్స్, అభిమానులని సస్పెన్స్ లోంచి బయటపడేశాడు అనిల్ రావిపూడి.