Anand Mahindra - Rajamouli: పూర్వీకుల నాగరికతను తెలియజేసేలా రాజమౌళి సినిమా చేయాలని ఆనంద్ మహీంద్ర కోరారు. దానికి రాజమౌళి రిప్లై ఇస్తూ ఆసక్తికరమైన విషయాన్ని తెలియజేశారు.
Authored byతుమ్మల మోహన్ | Samayam Telugu1 May 2023, 8:59 am
Anand Mahindra - Rajamouli: దర్శకధీరుడు రాజమౌళి ఇప్పుడు ఇండియన్ సినిమాల్లో మోస్ట్ వాంటెడ్ డైరెక్టర్స్‌లో ఒకరు. ఆయన కెరీర్ ప్రారంభంలో ఎవరికీ చెప్పని ఓ విషయాన్ని ప్రముఖ ఇండస్ట్రియలిస్ట్ ఆనంద్ మహీంద్రకు చెప్పారు. ఇప్పుడా న్యూస్ నెట్టింట వైరల్ అవుతుంది. అసలు జక్కన్న ఏం చెప్పారనే వివరాల్లోకి వెళితే.. దేశంలోని బ‌డా పారిశ్రామిక వేత్త‌ల‌లో ఆనంద్ మహీంద్ర ఒకరు. వ్యాపారంలో రాణించే ఆయ‌న‌కు సినిమా రంగంపై కూడా ఆస‌క్తి ఎక్కువ. వీలున్న ప్ర‌తిసారి ఆయన సినీ సెల‌బ్రిటీల‌ను క‌లుస్తుంటారు. తన సోష‌ల్ మీడియాలోనూ సెల‌బ్రిటీలకు ట్వీట్స్‌తో ట‌చ్‌లో ఉంటారు. తాజాగా ఆయన మ‌రోసారి తన ట్విట్టర్లో వేసిన ట్వీట్ ఇండ‌స్ట్రీలో వైరల్ అవుతుంది. ఇంత‌కీ ఆయన వేసిన ట్వీట్ ఎవ‌రికో కాదు.. RRR చిత్రంతో పాన్ ఇండియా లెవ‌ల్లో సంచ‌లనం సృష్టించ‌ట‌మే కాదు, ఇండియన్ సినిమాకు తొలి ఆస్కార్ అవార్డ్‌ను కూడా తెచ్చి పెట్టారు.
ఆనంద్ మహీంద్ర తన ట్విట్టర్లో ఓ ఫొటోను షేర్ చేస్తూ ‘‘మ‌న సంస్కృతి మ‌న‌కు గుర్తుకు తెచ్చే వాటిలో ఇలాంటివి ఉదాహ‌ర‌ణలుగా ఉంటాయి. మ‌న నాగరికతను తెలియజేసేలా అప్ప‌టి కాలానికి సంబంధించిన‌ట్లు ద‌ర్శ‌కుడు రాజమౌళి ఓ సినిమాను చేయాలని కోరుకుంటున్నాను. దీని వ‌ల్ల మ‌న పూర్వీకుల నాగ‌రిక‌త అవ‌గ‌త‌మ‌వుతుంది’’ అని తెలిపారు. ఆయన వేసిన ట్వీట్‌కు రాజమౌళి స్పందించారు. ‘‘అలాగే సర్.. నేను ధోలా విర ప్రాంతంలో మ‌గ‌ధీర చిత్రాన్ని షూట్ చేస్తున‌ప్పుడు ఒక చెట్టుని గ‌మ‌నించాను. అది శిలాజంగా మారిపోయింది. సింధులోయ సంస్కృతి నాగ‌రిక‌త గురించి ఆ చెట్టు క‌థ చెబుతున్న‌ట్లు సినిమా చేస్తే ఎలా ఉంటుంద‌నే ఆలోచ‌న వ‌చ్చింది. కొన్ని సంవత్స‌రాల తర్వాత పాకిస్థాన్‌కు సంద‌ర్శించాను. మెహంజ‌దారో ప్రాంతాన్ని చూడాల‌ని చాలా గట్టిగా ప్ర‌య‌త్నించాను. బాధాక‌ర‌మైన విష‌య‌మేమంటే పాకిస్థాన్ వాళ్లు ప‌ర్మిష‌న్ ఇవ్వ‌లేదు’’ అన్నారు. రాజమౌళి - ఆనంద్ మహీంద్ర ట్వీట్స్ RRR తర్వాత రాజమౌళి నెక్ట్స్ సినిమాను కూడా భారీగానే తెరకెక్కించటానికి ప్రయత్నిస్తున్నారు. సూప‌ర్ స్టార్ మ‌హేష్ బాబు హీరోగా న‌టిస్తోన్న ఈ చిత్రానికి కె.ఎల్‌.నారాయ‌ణ నిర్మాత‌గా వ్య‌వ‌హ‌రించ‌బోతున్నారు. అడ్వెంచ‌ర‌స్ ఫారెస్ట్ బ్యాక్ డ్రాప్‌తో సినిమా ఉంటుంద‌ని ఇప్ప‌టికే జక్కన్న అండ్ టీమ్ ప్ర‌క‌టించారు. వ‌చ్చే ఏడాదిలో ఈ సినిమాను స్టార్ట్ చేయ‌బోతున్నారు. ఇందులో ప‌లువురు హాలీవుడ్ న‌టీన‌టులు కూడా న‌టించ‌బోతున్నారు.
మోహన్ కుమార్ తుమ్మల సమయం తెలుగులో డిజిట‌ల్ కంటెంట్ ప్రొడ్యూస‌ర్‌గా ప‌ని చేస్తున్నారు. ఇక్కడ సినిమాల‌కు సంబంధించిన అప్డేట్స్, వార్తలను రాస్తుంటారు. మోహన్ కుమార్‌కి సినీ జ‌ర్న‌లిజంలో 10 ఏళ్ల అనుభ‌వం ఉంది. గ‌తంలో ప్రముఖ మీడియా సంస్థ‌ల్లో సినీ జ‌ర్న‌లిస్టుగా వ‌ర్క్ చేశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
