రజనీ కలియుగ దుర్యోధనుడు: మోహన్ బాబు

రజనీకాంత్‌ను కలియుగ దుర్యోధనుడిగా అభివర్ణించారు కలెక్షన్ కింగ్ మోహన్ బాబు. రజనీ, మోహన్ బాబు ఇద్దరూ మంచి మిత్రులనే సంగతి తెలిసిందే. చెన్నైలోని రజనీకాంత్ నివాసానికి వెళ్లి.. ఆయన్ను కలిసిన మోహన్ బాబు 65 ఏళ్ల సూపర్ స్టార్‌‌ అచ్చం మహారాజులా ఉన్నాడని కితాబిచ్చాడు. తన స్నేహితుడు ఆధునిక కర్ణుడని, నేను కర్ణుడినంటూ చెప్పాడు. తన మిత్రుణ్ని చూడటం సంతోషకరంగా ఉందని చెప్పిన కలెక్షన్ కింగ్.. రజనీతో కలిసి దిగిన ఫొటోను ట్విట్టర్లో పోస్టు చేశాడు. సినిమాల్లోకి అడుగుపెట్టిన నాటి నుంచి రజినీ, మోహన్ బాబు మంచి మిత్రులు. గతంలో వీరిద్దరూ పెద్దరాయుడు సినిమాలో కలిసి నటించారు. మంచు మనోజ్ పెళ్లికి కూడా రజనీ హాజరయ్యారు. రజనీని ఇప్పటికీ ‘వాడు’ అని పిలిచే చనువు మోహన్ బాబుకు ఉంది. రజినీ కూతుళ్లను తన కోడళ్లుగా చేసుకోవాలని కూడా భావించానని గతంలో ఓసారి మోహన్ బాబు చెప్పుకొచ్చిన సంగతి తెలిసిందే. మొత్తానికి రజనీతో బంధుత్వం కలపుకోవడం కుదరకపోయినప్పటికీ.. వారు మాత్రం మంచి మిత్రులుగానే కొనసాగుతున్నారు.

Had a good time meeting my best friend. He looks like a King! In this kaliyuga,he would be Duryodhana and I, Karna! pic.twitter.com/dHLivm87GN — Mohan Babu M (@themohanbabu) September 3, 2016
After a long time met my greatest sister Latha;without whom I strongly believe, Rajini wouldn't be where he is today pic.twitter.com/XTITPFSXHQ — Mohan Babu M (@themohanbabu) September 3, 2016