‘కాలా’ టీజర్ వస్తోంది.. ఇక కాస్కోండి!

సూపర్‌స్టార్ రజనీకాంత్ ప్రధాన పాత్రలో పా. రంజిత్ దర్శకత్వంలో తెరకెక్కిన భారీ ప్రాజెక్ట్ మూవీ ‘కాలా’ రిలీజ్ డేట్‌ను ఫిక్స్ చేసుకోవడంతో ప్రమోషన్స్‌ను వేగవంతం చేసింది. రజనీ పొలిటికల్ ఎంట్రీ తరువాత విడుదలౌతున్న తొలిచిత్రం ‘కాలా’ కావడంతో ఈ మూవీపై భారీ అంచనాలు ఏర్పడ్డాయి. ఏప్రిల్ 27న ప్రేక్షకుల ముందుకురానున్న ఈ మూవీ టీజర్‌ను మార్చి 10న రిలీజ్ చేసేందుకు చిత్ర యూనిట్ ప్లాన్ చేస్తుంది.

‘కాలా’ చిత్రాన్ని రజనీ అల్లుడు, హీరో ధనుష్ నిర్మిస్తుండగా.. బాలీవుడ్ బ్యూటీ హ్యుమా ఖురేషీ హీరోయిన్‌గా నటిస్తుంది. ఈ మూవీలో నానా పటేకర్ ప్రతినాయకుడి పాత్ర పోషిస్తున్నారు. ఈ సినిమాలో రజనీకాంత్ ఒక మాఫియాడాన్ పాత్రలో కనిపించనున్నాడని తెలుస్తోంది. ముంబై మాఫియా డాన్ హజీమస్తాన్ కార్యకలాపాలా ఆధారంగా ఈ సినిమా రూపొందుతోందనే రూమర్లు కూడా వినిపిస్తుండటంతో ఈ సినిమాకోసం రజనీ అభిమానులు ఆసక్తితో ఎదురుచూస్తున్నారు. కాగా ఏప్రిల్ 26న మహేష్ బాబు ‘భరత్ అనే నేను’, అల్లు అర్జున్ ‘నా పేరు సూర్య’ మూవీలులో బాక్సాఫీస్ బరిలో ఉండటంతో ఇద్దరు యంగ్ హీరోలతో ‘కాలా’ బాక్సాఫీస్ ఫైట్ తప్పనిసరి అయ్యింది.