3 నెలలు వెనక్కి వెళ్లిన సూపర్ స్టార్ సినిమా!

తమిళ సూపర్ స్టార్ రజినీకాంత్, బాలీవుడ్ స్టార్ హీరో అక్షయ్ కుమార్, బ్రిటీష్ బ్యూటీ అమీ జాక్సన్ ప్రధాన పాత్రల్లో తెరకెక్కుతున్న ‘2.0’ సినిమా విడుదల తేదీలో మార్పులు చోటుచేసుకున్నట్టు తెలుస్తోంది. వాస్తవానికి ముందస్తుగా అనుకున్న షెడ్యూల్ ప్రకారం ఈ సినిమా వచ్చే ఏడాది జనవరి 25కి రిలీజ్ కావాల్సి వుంది. కానీ ఇప్పటికీ ఇంకా చాలా గ్రాఫిక్ వర్క్ పెండింగ్‌లో వున్నందున అప్పటికల్లా సినిమాను పూర్తి చేయడం కష్టం అని భావించిన మేకర్స్ తమ సినిమాను ఏప్రిల్‌కి వాయిదా వేసుకున్నట్టు సమాచారం.

కోలీవుడ్ వర్గాలు చెబుతున్న సమాచారం ప్రకారం తమిళ న్యూ ఇయర్ సందర్భంగా ఏప్రిల్ రెండో వారంలో లైకా ప్రొడక్షన్స్ ఈ సినిమాను రిలీజ్ చేయనుందట. దర్శకుడు శంకర్ కానీ లేదా లైకా ప్రొడక్షన్స్ కానీ దీనిపై అధికారికంగా ఏమని స్పందిస్తారో చూడాలి మరి!