కొత్త సినిమాతో రజనీకాంత్ దూకుడు

రాజకీయాల్లో బిజీ అవుతున్న తమిళ సూపర్ స్టార్ రజనీ... సినిమాల్లో దూకుడు తగ్గించలేదు. తలైవా మరో కొత్త ప్రాజెక్ట్‌కు ఓకే చెప్పేశాడు. కార్తీక్ సుబ్బరాజ్ డైరెక్షన్‌లో... కళానిధి మారన్ సమర్ఫణలో మమ్మత్ ప్రొడక్షన్ బ్యానర్‌లో ఈ మూవీని తెరకిక్కించనున్నారు. ఈ విషయాన్ని సన్ పిక్చర్స్ సంస్థ ట్విట్టర్ ద్వారా అధికారికంగా ప్రకటించింది. సుబ్బరాజ్ పిజ్జా, ఇరవైతో పాటు మరికొన్ని సినిమాలను తీశారు. త్వరలోనే ఈ సినిమాను పట్టాలెక్కించేందుకు సిద్ధమవుతున్నారు. ఇప్పటికే ప్రీ ప్రొడక్షన్ పనులు ప్రారంభమైనట్లు తెలుస్తోంది.

పొలిటికల్ ఎంట్రీ ఇస్తున్నట్లు ప్రకటించిన తర్వాత కూడా రజనీ ఏమాత్రం స్పీడు తగ్గించలేదు. సినిమాలు కూడా తగ్గిస్తాడేమోనని అనుకుంటున్న సమయంలో... మళ్లీ కొత్త ప్రాజెక్ట్‌కు ఓకే చెప్పి... ఇండస్ట్రీని వదులుకునేది లేదనే సంకేతాలు పంపారు. తలైవా రోబో 2.ఓ, కాలా మూవీలతో బిజీగా ఉన్నారు. కాలా సమ్మర్ స్పెషల్‌గా ఏప్రిల్ 14న విడుదలకు సిద్ధమవుతోంది.