చైతూ.. రాఖీ స్పెషల్ సాంగ్‌తో వచ్చేశాడు

నాగ చైతన్య, లావణ్య త్రిపాఠి హీరోహీరోయిన్లుగా తెరకెక్కుతున్న మూవీ ‘యుద్ధం శరణం’.ఇటీవల విడుదలైన టీజర్‌లో ‘నాకు తెలిసిన ప్రపంచం ఇదికాదు.. మనం బ్రతకాలంటే.. వాడికి ఎదురు వెళ్లాలి. ఇది ధైర్యం కాదు తెగింపు అంటూ’ యుద్ధం మొదలు పెట్టిన నాగ చైతన్య తాజాగా.. రాఖీ శుభాకాంక్షలను తెలియజేస్తూ మరో వండర్ ఫుల్ గిఫ్ట్ ఇచ్చాడు. రాఖీ ప్రాముఖ్యతను తెలిపే లిరిక్ సాంగ్‌ను విడుదల చేశారు. ‘ఎన్నో ఎన్నో భావాలే పెనవేసే ఎదలో రాగాలే.. పులకించే బంధాలన్నీ ఒకటై’ అంటూ సాగిన ఈ సాంగ్ హార్ట్ టచ్చింగ్ లైన్స్‌తో అద్భుతంగా ఉంది. ప్రదీప్ కుమార్ ఆలపించిన ఈ సాంగ్‌కు వివేక్ సాగర్ మ్యూజిక్ అందించారు.

Here you go guys Enno enno bhavala from #YuddhamSharanam https://t.co/Dhte4EOQ0g thank you for this @viveksagar2 — chaitanya akkineni (@chay_akkineni) August 7, 2017
'అక్కా చెల్లెల్లు రాఖీ ఎందుకు కడతారో తెలుసా.. అమ్మా నాన్నల తరువాత వాళ్ల బాధ్యత అన్నా తమ్ముళ్లదే అని' అంటూ రేవతి చెప్పిన హార్ట్ టచింగ్ డైలాగ్స్‌తో మొదలైన ఈసాంగ్‌లో మధ్య తరగతి కుటుంబంలో ఉండే ప్రేమానురాగాలను కళ్లకు కట్టినట్లు చూపించారు యువ దర్శకుడు. వారాహీ చలనచిత్రం బ్యానర్‌పై సాయి కొర్రపాటి నిర్మిస్తున్న ‘యుద్ధం శరణం’ మూవీతో కృష్ణ మరిముత్తు అనే ఓ కొత్త డైరెక్టర్‌ ఇండస్ట్రీకి పరిచయం అవుతున్నారు. శ్రీకాంత్ విలన్ రోల్ పోషిస్తున్న ఈ సినిమాలో రేవతి, రావు రమేష్ ఇతర ముఖ్యపాత్రల్లో నటిస్తున్నారు.