శర్వా, నితిన్‌కు జోడీగా ఆమె!

హరీష్ శంకర్ దర్శకత్వంలో త్వరలో తెరకెక్కనున్న మల్టీస్టారర్ చిత్రంలో నితిన్, శర్వానంద్‌లు కలిసి నటించనున్న సంగతి తెలిసిందే. ఈ నేపథ్యంలో ఇద్దరికీ జోడిగా ఇద్దరు ముద్దుగుమ్మల పేర్లు పరిశీలిస్తున్నారు. వీరిలో ఒకరు సాయి పల్లవి కాగా, మరొకరు రకుల్ ప్రీత్ సింగ్. సాయి పల్లవి నటించిన ‘ఎంసీఏ’ చిత్రం త్వరలోనే విడుదల కానుంది. ప్రస్తుతం ఆమె కాల్ షీట్లు కూడా ఖాళీగా లేనట్లు తెలుస్తోంది. ఈ నేపథ్యంలో రకుల్ ప్రీత్ సింగ్‌ను ముందుగా ఎంపిక చేసుకునే ఆలోచనలో దర్శక నిర్మాతలు ఉన్నారు. ‘స్పైడర్’ సినిమా తర్వాత రకుల్ మరే తెలుగు చిత్రాలకు సైన్ చేయలేదు. దీంతో, ఆమె స్థానం దాదాపు ఖాయమని తెలుస్తోంది. సాయిపల్లవికి అవకాశం ఉంటుందా, లేదా ఆమెకు బదులు.. మరెవరికైనా చాన్స్ ఇస్తారా అనేది తెలియాల్సి ఉంది. నితిన్, శర్వాలో రకుల్ ఎవరికి జోడీ అనేది కూడా ఇంకా స్పష్టత రాలేదు.