స్టార్ హీరో సినిమాకు సైన్ చేసిన రకుల్ ప్రీత్ సింగ్!

స్పైడర్ సినిమాలో నటించిన తర్వాత తన అప్‌కమింగ్ ప్రాజెక్ట్స్‌కి సంబంధించిన ప్రమోషన్స్‌లో పాల్గొనడం తప్పించి మరే ఇతర సినిమాకు సైన్ చేయని రకుల్ ప్రీత్ సింగ్ తాజాగా ఓ సినిమాకు ఓకే చెప్పిందట. గతంలో మనం చెప్పుకున్నట్టుగానే ఆ సినిమా ఇంకేదో కాదు... తమిళంలో స్టార్ డైరెక్టర్స్‌లో ఒకరైన సెల్వరాఘవన్ తెరకెక్కించనున్న సూర్య సినిమానే. సూర్య-సెల్వరాఘవన్ కాంబోలో రూపొందనున్న సినిమాకు సైన్ చేశావట కదా అని ఇటీవల మీడియా అడిగిన ప్రశ్నకు రకుల్ ప్రీత్ సింగ్ స్పష్టమైన సమాధానం ఇవ్వలేదు. కానీ తాజాగా ఖాకీ సినిమా ప్రమోషన్స్‌లో పాల్గొంటున్న రకుల్ ప్రీత్ సింగ్ ఆ విషయాన్ని అంగీకరించింది. అవును, తాను సూర్య-సెల్వరాఘవన్ సినిమాకు సైన్ చేశాను అని ఒప్పుకుందామె.

ఇదిలావుంటే, సూర్య సోదరుడు కార్తి, రకుల్ జంటగా నటించిన ఖాకీ సినిమా ఈ నవంబర్ 17వ తేదీన రిలీజ్ కి రెడీ అవుతోంది. తమిళంలో తెరకెక్కిన తీరన్ అధిగరం ఒండ్రు అనే సినిమాకు ఇది తెలుగు డబ్బింగ్ వెర్షన్. తమిళ, తెలుగు భాషల్లో ఏకకాలంలో రిలీజ్ కానుందీ సినిమా.