బీచ్‌లో రకుల్ బికినీ అందాలు.. ‘బ్లూ’లో భలే ఫిట్‌గా ఉంది!

దక్షిణాది సినీ పరిశ్రమలోని టాప్ హీరోయిన్లలో రకుల్ ప్రీత్ సింగ్ ఒకరు. ‘గిల్లి’ అనే కన్నడ సినిమాతో తన సినీ ప్రయాణాన్ని మొదలుపెట్టిన ఈ పంజాబీ బ్యూటీ ఆ తరవాత తమిళ చిత్రసీమలోకి అడుగుపెట్టింది. 2011లో వచ్చిన ‘కెరటం’ సినిమా ద్వారా తెలుగు ప్రేక్షకులకు పరిచయమైంది. అయితే, ‘వెంకటాద్రి ఎక్స్‌ప్రెస్’ సినిమాతో మంచి గుర్తింపు తెచ్చుకుంది. ఆ తరవాత వరసపెట్టి స్టార్ హీరోలందరితోనూ నటించింది. తాజాగా కింగ్ నాగార్జున సరసన ‘మన్మథుడు 2’లో కనిపించింది. అలాగే, బాలీవుడ్‌లో అజయ్ దేవగణ్‌తో ‘దేదే ప్యార్ దే’లో నటించింది.

Also Read: నాకు యాక్సిడెంట్ కాలేదు.. అది నా కారు కాదు: హీరో తరుణ్

ప్రస్తుతం షూటింగ్‌లకు కాస్త విరామం ఇచ్చిన రకుల్ ప్రీత్.. మధ్యదరా సముద్రంలో ఉన్న స్పెయిన్ ద్వీపం ఇబిజాలో ప్రస్తుతం హాలీడేను ఎంజాయ్ చేస్తోంది. చాలా ఆనందంగా గడుపుతోంది. అందమైన బీచ్‌లో నీలిరంగు బికినీలో ఎంజాయ్ చేస్తోన్న ఫొటోలను తన ఫొటోలను తాజాగా రకుల్ ఇన్‌స్టాగ్రామ్‌లో పోస్ట్ చేసింది. కూలింగ్ గ్లాసెస్ పెట్టుకుని బికినీలో సెల్ఫీలు దిగింది. ‘‘పైన ఆకాశం, కింద ఇసుక, ఈ రెండింటి మధ్య శాంతి!! అన్ని చోట్ల ఆనందం ఉంది!’’ అని తన పోస్ట్‌లో రకుల్ పేర్కొంది.
రకుల్ బికినీ ఫొటోలు ఇన్‌స్టాగ్రామ్‌లో హీట్ పెంచాయి. ఈ ఫొటోలు చూసిన పలు బాలీవుడ్ ప్రముఖులు ‘‘రకుల్ ఇంత ఫిట్‌గా ఎలా ఉన్నావ్’’ అంటూ ప్రశంసలు కురిపిస్తున్నారు. కాగా, రకుల్ ప్రస్తుతం మూడు సినిమాలను అంగీకరించింది. శంకర్ దర్శకత్వంలో తెరకెక్కుతోన్న భారీ చిత్రం ‘భారతీయుడు 2’లో రకుల్ నటించనుంది. అలాగే హిందీ సినిమా ‘మర్జావాన్’లోనూ కనిపించనుంది. తమిళ హీరో శివకార్తికేయన్ 14వ సినిమాలోనూ రకుల్ నటిస్తోంది.