కార్తితో రకుల్ ప్రీత్ సింగ్ రొమాన్స్ ?

టాలీవుడ్‌లో వరుస ప్రాజెక్టులతో ఫుల్ బిజీగా వున్న రకుల్ ప్రీత్ సింగ్‌కి సంబంధించిన లేటెస్ట్ న్యూస్ ఇది. అవకాశం వస్తే మరోసారి కోలీవుడ్ మూవీకి సైన్ చేయాలని ఉవ్విళ్లూరుతున్న రకుల్‌కి కార్తి తర్వాతి సినిమాలో నటించే ఆఫర్ వచ్చినట్టు తెలుస్తోంది. గతంలోనే విశాల్ సరసన నటించేందుకు అవకాశం వచ్చినప్పటికీ... అప్పుడు తెలుగు సినిమాలతో బిజీగా వుండటంతో డేట్స్ అడ్జస్ట్ చేయడం కుదరక ఆ ప్రాజెక్ట్ వదులుకోవాల్సి వచ్చింది.

అయితే, ఈసారి మాత్రం అమ్మడు కార్తితో కలిసి రొమాన్స్ చేసేందుకు దాదాపు రెడీ అయిపోయినట్టేనని తెలుస్తోంది. 'శతురంగ వెట్టై' ఫేమ్ వినోద్ తెరకెక్కించనున్న ఈ సినిమాలో కార్తి లుక్ కోసం ఇటీవలే కొన్ని ఫోటో షూట్స్, ప్రీ షూటింగ్ చేశారు. జనవరి నుంచి ఈ సినిమా షూటింగ్ పూర్తి స్థాయిలో పట్టాలెక్కనున్నట్టు సమాచారం. అన్నట్టు ఈ సినిమాలో కార్తి ఓ పోలీస్ ఆఫీసర్ పాత్ర పోషించనున్నట్టు కోలీవుడ్ టాక్.