రకుల్ ప్రీత్.. గ్లామర్ డోస్ పెంచేసింది..!

ఈ మధ్య కాలంలో కొన్ని ఫ్లాఫులను ఎదుర్కొంది రకుల్ ప్రీత్ సింగ్. అయినప్పటికీ టాప్ హీరోయిన్లలో ఒకరిగా అయితే తన స్థానాన్ని నిలుపుకుంది. అలాగే రాబోయే సినిమాలపై ఈమెకు భారీ ఆశలే ఉన్నాయి. చేతిలో ఉన్నది పెద్ద సినిమాలే కావడంతో.. వాటిలో ఏది హిట్టైనా తన స్థానానికి డోకాలేదన్నట్టుగా ఉంది రకుల్.

ఈ నేపథ్యంలో.. మరో రకంగా తన ఉనికిని చాటుతోంది ఈ పంజాబీ భామ. తాజాగా మగాళ్ల మ్యాగజైన్ మ్యాగ్జిమ్ కోసం ఇలా పోజు ఇచ్చింది రకుల్. ఆ పత్రిక తాజా కవర్ పేజీపై ఆమె ఇలా దర్శనమిచ్చింది.

ఈ ఫొటో చూసిన తర్వాత తొలి మాటేంటో వేరే వివరించనక్కర్లేదు. రకుల్ గ్లామర్ డోసును పెంచేసిందని స్పష్టం అవుతోంది. ప్రస్తుతం రెండు తమిళ సినిమాల్లో, రెండు హిందీ సినిమాల్లో నటిస్తోంది రకుల్. తెలుగు సినిమాలైతే ఏవీ ఈమె చేతిలో లేవు. మూవీ మేకర్ల చూపు తన మీదకు మళ్లించుకునే ప్రయత్నంలోనే రకుల్ ఈ విధంగా రెచ్చిపోతోందేమో!