నాతో పాటు నా తమ్ముడు తారక్ కూడా.. అరుదైన ఘనతపై రామ్ చరణ్ రియాక్షన్.. ఆనంద్ మహీంద్ర ప్రశంస

Ram Charn - Jr Ntr: మెగా ప‌వ‌ర్‌స్టార్ రామ్ చ‌ర‌ణ్ ఆనందంతో ఉబ్బిత‌బ్బిబ‌వుతున్నారు. అందుకు కార‌ణం RRR సినిమా. గ‌త ఏడాది వ‌సూళ్ల ప‌రంగా రికార్డుల‌ను క్రియేట్ చేసిన ఈ చిత్రం ఇప్పుడు అవార్డుల రేసులో దూసుకెళ్తోంది. ఏకంగా హాలీవుడ్ చిత్రాల‌తోనే మ‌న తెలుగు సినిమా పోటీప‌డ‌టం తెలుగు వారిగా ఎంతో గ‌ర్వించాల్సిన స‌మయం. ఇప్ప‌టికే గోల్డెన్ గ్లోబ్ అవార్డును గెలుచుకున్న RRR ఆస్కార్ అవార్డుల్లో బెస్ట్ సాంగ్ కేట‌గిరీలోనూ నామినేట్ అయిన సంగ‌తి తెలిసిందే.

కాగా ఇప్పుడు మ‌రో ఐదు అవార్డుల‌ను RRR సినిమాసొంతం చేసుకోవ‌టంతో తెలుగు వారి ఖ్యాతి విశ్వ వ్యాప్త‌మైంద‌నే చెప్పాలి. హాలీవుడ్‌లో ప్ర‌తిష్టాత్మ‌క‌మైన అవార్డులుగా ఒక‌టిగా భావించే HCA అవార్డ్స్ (హాలీవుడ్ క్రిటిక్స్ అసోసియేష‌న్‌) రేసులో హాలీవుడ్ చిత్రాల‌కు మించి మ‌న సినిమా స‌త్తాను చాటడం విశేషం. ఒక‌టి రెండు కాదు.. ఏకంగా ఐదు హెచ్‌సీఏ అవార్డుల‌ను ద‌క్కించుకుంది ఆర్ఆర్ఆర్‌. ఈ అవార్డుల వేడుక‌లో రాజ‌మౌళి, రామ్ చ‌ర‌ణ్‌, ఎం.ఎం.కీర‌వాణి త‌దిత‌రులు పాల్గొన్నారు.

ఈ నేప‌థ్యంలో రామ్ చ‌ర‌ణ్ త‌న సంతోషాన్ని సోష‌ల్ మీడియా ద్వారా వ్య‌క్తం చేశారు. ‘బెస్ట్ యాక్టర్స్ ఇన్ యాక్షన్ మూవీస్ నామినీస్‌లో లెజండ్రీ యాక్ట‌ర్స్ నికోల‌స్ కేజ్‌, టామ్ క్రూయిస్‌, బ్రాడ్ పిట్ వంటి వారి స‌ర‌స‌న నాది, నా త‌మ్ముడు తార‌క్ కూడా నిలిచాం. వారితో పాటు మా పేర్లును స్క్రీన్‌పై చూసుకోవ‌టం మ‌ర‌చిపోలేని అనుభూతి’ అని తెలియ‌జేస్తూ నామినీస్ పేర్లున్న స్క్రీన్ ఫొటోను షేర్‌చేశారు చెర్రీ.

మ‌రో వైపు ప్ర‌ముఖ బిజినెస్ మ్యాన్ ఆనంద్ మ‌హీంద్ర సైతం రామ్ చ‌ర‌ణ్‌ను ప్ర‌శంస‌ల‌తో ముంచెత్తారు. మెగా ప‌వ‌ర్‌స్టార్‌ను ఏకంగా గ్లోబ‌ల్ స్టార్ అంటూ ఆకాశానికెత్తేశారు. ఆర్ఆర్ఆర్ సినిమాకు ద‌క్కుతున్న అవార్డుల‌ను, గుర్తింపును చూసి మెగా, నంద‌మూరి ఫ్యాన్స్ సంతోషాన్ని వ్య‌క్తం చేస్తున్నారు.


ALSO READ: Manchu Manoj: మంచు మ‌నోజ్ మ్యారేజ్ డేట్ ఫిక్స్‌.. వ‌చ్చే వారంలో ఎప్పుడంటే!
ALSO READ: HCA Awards 2023 : హెచ్‌సీఏ అవార్డ్స్.. 4 కేటగిరీల్లో హాలీవుడ్ చిత్రాలను వెనక్కి నెట్టిన RRR

ALSO READ: Rashmi Gautam: రష్మీ గౌతమ్‌ని కుక్కను కొట్టినట్లు కొట్టాలన్న నెటిజన్.. ఫైర్ అయిన యాంకర్

ALSO READ: Ansuya Bharadwaj: మా ఫ్యామిలీలో ‘గే’లు ఉన్నారు.. లెస్బియన్స్‌తో ఎక్స్‌పీరియెన్స్‌: అన‌సూయ

ALSO READ: Anushka Shetty: అనుష్క అనుకుని బట్టలు లేని ఫొటోలు .. దారుణాలు చెప్పలేను: వివేక్ ఆత్రేయ‌

• Read latest Tollywood updates and Telugu News