Ram Charan: ఆ పాటతో నా చిన్నప్పటి కల నిజమైంది: రామ్ చరణ్

‘కిసీ కా భాయ్ కిసీ కి జాన్’ (‘Kisi ka Bhai, Kisi ki Jaan) మూవీ నుంచి ఇటీవల విడుదలైన ‘ఏంటమ్మా’ (Yentamma) సాంగ్ రికార్డ్ వ్యూస్‌తో దూసుకెళ్తోంది. ఈ చిత్రంలో సల్మాన్ ఖాన్ (Salman Khan), విక్టరీ వెంకటేష్ (Venkatesh) ప్రధాన పాత్రల్లో నటించగా.. పూజా హెగ్డే (Pooja Hegde) ఫిమేల్‌ లీడ్‌గా కనిపించనుంది. ఇక ఏప్రిల్ 21న విడుదలకు సిద్ధమైన ఈ మూవీ నుంచి తాజాగా ‘ఏంటమ్మా’ అనే మాస్ సాంగ్ రిలీజ్ చేశారు మేకర్స్. ఇందులో సల్మాన్, వెంకీతో పాటు గ్లోబల్ స్టార్ రామ్ చరణ్ (Ram Charan) కనిపించడం విశేషం. ఈ ముగ్గురూ కలిసి లుంగీ గెటప్స్‌లో వేసిన మాస్ స్టెప్స్.. అభిమానులను విపరీతంగా ఆకట్టుకుంటున్నాయి. నిజానికి ఈ సాంగ్‌లో తను కూడా ఉంటానని చరణ్ స్వయంగా సల్మాన్ అడిగినట్లు నెట్టింట వార్తలు వినిపించాయి. ఇదిలా ఉంటే, తాజాగా మేకర్స్ విడుదల చేసిన BTS వీడియోలో.. సల్మాన్‌తో కలిసి డాన్స్ చేయడంపై పలు విషయాలు షేర్ చేసుకున్నాడు చరణ్.ఈ చిత్రంలోని ‘ఏంటమ్మా’ సాంగ్‌లో తాను గెస్ట్ అప్పియరెన్స్‌‌ చేయడం అద్భుతంగా అనిపించిందని రామ్ చరణ్ అన్నారు. ఇక ఈ పాట విడుదలైన రెండు రోజుల్లోనే 43 మిలియన్‌కు పైగా వ్యూస్‌తో ఫుల్ క్రేజ్ సంపాదించింది. మొత్తానికి ఈ ఎక్స్‌పీరియన్స్ ద్వారా తన చిన్నప్పటి కల నిజమైందని చెప్పిన చెర్రీ.. సిల్వర్ స్క్రీన్‌పై చూసినపుడు ప్రేక్షకులు ఈ పాటను బాగా ఎంజాయ్ చేస్తారని తెలిపారు. చేస్తున్నప్పుడు కూడా చాల ఎంజాయ్ చేసినట్లు చరణ్ చెప్పుకొచ్చారు.
Salman Khan: హత్యా బెదిరింపులతో సల్మాన్ అలర్ట్.. రక్షణగా హై-ఎండ్ బుల్లెట్ ప్రూఫ్ వెహికల్!
పాయల్ దేవ్ కంపోజ్ చేసిన ఈ ‘ఏంటమ్మా’ సాంగ్‌కు షబ్బీర్ అహ్మద్ సాహిత్యం అందించగా.. విశాల్ దద్దానీ, పాయల్ దేవ్, రఫ్తార్ అద్భుతంగా పాడారు. ఇక జానీ మాస్టర్ కొరియోగ్రఫీ గురించి ప్రత్యేకంగా చెప్పాల్సిన పనిలేదు. మాస్ బీట్స్‌కు సాంగ్స్ కొరియోగ్రఫీ చేయడంలో ఆయన మాస్టర్ అని తెలిసిందే. కాగా.. ‘కిసీ కా భాయ్ కిసీ కి జాన్’ చిత్రం ఈద్ సందర్భంగా ఏప్రిల్ 21న విడుదల కానుంది.

ఇదిలా ఉంటే, రామ్ చరణ్ ప్రస్తుతం ‘గేమ్ చేంజర్’ చిత్రంలో నటిస్తున్నాడు. భారీ బడ్జెట్‌తో ప్రముఖ నిర్మాత దిల్ రాజు నిర్మిస్తున్న ఈ చిత్రానికి శంకర్ దర్శకత్వం వహిస్తున్నారు. కియారా అద్వానీ హీరోయిన్‌గా నటిస్తుండగా.. అంజలి, శ్రీకాంత్, సునిల్ తదితరులు కీలక పాత్రలు పోషిస్తున్నారు. తమన్ మ్యూజిక్ అందిస్తున్న ఈ చిత్రం వచ్చే ఏడాది సమ్మర్‌లో విడుదలయ్యే అవకాశం ఉంది.

• Read latest Tollywood updates and Telugu News