సానియా మీర్జా చెల్లెలు ఆనమ్ మీర్జా వివాహం అజారుద్దీన్ కుమారుడు అసదుద్దీన్‌తో బుధవారం జరిగింది. వీరి రిసెప్షన్‌ను గురువారం శంషాబాద్‌లో నిర్వహించారు. ఈ వేడుకలో తెలంగాణ ముఖ్యమంత్రి కె.చంద్రశేఖర్ రావు సహా పలువురు ప్రముఖులు పాల్గొన్నారు.
Samayam Telugu13 Dec 2019, 5:46 pm
భారత క్రికెట్ జట్టు మాజీ కెప్టెన్, హైదరాబాద్ క్రికెట్ అసోసియేషన్ (హెచ్‌సీఏ) అధ్యక్షుడు మహ్మద్ అజారుద్దీన్ తనయుడు అసదుద్దీన్, భారత టెన్నిస్ స్టార్ సానియా మీర్జా చెల్లెలు ఆనమ్ మీర్జా వివాహ బంధంతో ఒక్కటైన సంగతి తెలిసిందే. అసదుద్దీన్, ఆనమ్‌ల వివాహం బుధవారం హైదరాబాద్‌లో జరిగింది. ఈ వివాహ వేడుకలో కేవలం ఇరు కుటుంబ సభ్యులు, వారి సన్నిహితులు మాత్రమే పాల్గొన్నారు.
Samayam Teluguరిసెప్షన్లో రామ్ చరణ్, ఉపాసన
అయితే, అసదుద్దీన్-ఆనమ్‌ల రిసెప్షన్‌ను గురువారం శంషాబాద్‌లోని ఫోర్ట్ గ్రాండ్ కన్వెన్షన్ సెంటర్‌లో ఘనంగా నిర్వహించారు. ఈ రిసెప్షన్లో సినీ, రాజకీయ, క్రీడా రంగాలకు చెందిన ప్రముఖులు హాజరయ్యారు. రిసెప్షన్లో పాల్గొన్నవారిలో మెగా పవర్ స్టార్ రామ్ చరణ్, ఉపాసన జంట ప్రత్యేక ఆకర్షణగా నిలిచింది. ఈ మేరకు వీరిద్దరూ రిసెప్షన్లో పాల్గొన్న ఫొటో ఒకటి బయటికి వచ్చింది.
సానియా మీర్జాకు, ఉపాసనకు మధ్య మంచి సాన్నిహిత్యం ఉంది. వీరిద్దరూ ఎప్పటి నుంచో స్నేహితులు. గతంలో రామ్ చరణ్, ఉపాసన కలిసి హైదరాబాద్‌లోని సానియా మీర్జా టెన్నిస్ అకాడమీని సందర్శించారు. అలాగే, న్యూ ఇయర్ రోజున సానియా, ఉసాసన, చెర్రీ మంచుతో ఆటలాడారు. అప్పట్లో వీరి ఫొటోలు సోషల్ మీడియాలో బాగా వైరల్ అయ్యాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
