Rana Marriage: రానా పెళ్లిలో రామ్ చరణ్ హంగామా.. స్పెషల్ అట్రాక్షన్‌గా నిలిచిన మెగా కోడలు

టాలీవుడ్ మోస్ట్ ఎలిజిబుల్ బ్యాచిలర్ దగ్గుబాటి రానా ఓ ఇంటివాడయ్యారు. శనివారం రాత్రి 8 గంటల 30 నిమిషాలకు తన ఇష్టసఖి మిహీక మెడలో అగ్ని సాక్షిగా మూడు ముళ్లేశారు. ఈ పెళ్లి వేడుక హైదరాబాద్ రామానాయుడు స్టూడియోలో ఘనంగా జరిగింది. అయితే కరోనా కారణంగా సినీ ఇండస్ట్రీ ప్రముఖులెవరూ రానా పెళ్లి వేడుకకు హాజరు కాలేదు. కేవలం ఆయన దగ్గరి బంధువులు, అత్యంత సన్నిహితులు మాత్రమే విచ్చేశారు.

Also Read: Miheeka Bajaj Wedding: వైభవంగా రానా-మిహీకా పెళ్లి, హాజరైన ప్రముఖులు, వీఆర్ టెక్నాలజీతో వీక్షించిన సెలబ్రిటీలు

టాలీవుడ్ నుంచి రామ్ చరణ్, ఉపాసన, స్టైలిష్ స్టార్ అల్లు అర్జున్, సమంత, నాగచైతన్య‌లు హాజరై నూతన వధూవరులను ఆశీర్వదించారు. ఇక రానాకు చిన్ననాటి నుంచే ప్రాణ స్నేహితుడైన రామ్ చరణ్ ఈ పెళ్లిలో తెగ సందడి చేశారు. భార్య ఉపాసనతో కలిసి పెళ్లి వేడుకను ఎంజాయ్ చేస్తూ ఈ వేడుకలో స్పెషల్ అట్రాక్షన్‌గా నిలిచారు. ఇక అదే రేంజ్‌లో సందడి చేసిన మరో జోడీ నాగచైతన్య- సమంత. ఈ జోడీ కూడా రానా పెళ్లిలో కెమెరాలను విపరీతంగా ఆకర్షించింది. ప్రస్తుతం ఇందుకు సంబందించిన పిక్స్ సోషల్ మీడియాలో వైరల్ అవుతున్నాయి.

తెలుగు, మార్వారీ సాంప్రదాయాల్లో రానా- మిహీక వివాహాన్ని జరిపించారు. ఈ వివాహ వేడుక పనుల్ని ఢిల్లీ నుంచి వచ్చిన ప్రత్యేక బృందం నిర్వహించింది. పెళ్లికి వచ్చిన అతిథులకు తెలుగు వంటకాలతో పాటు.. రాజస్థాన్ వంటకాలతో విందు అందించారు. హైదరాబాద్‌లో తాజ్ ఫలక్‌నుమా హోటల్ నుంచి ఈ వంటకాలను సిద్ధం చేసినట్టు తెలిసింది. ఇక పరిస్థితుల దృష్ట్యా ఈ పెళ్లి వేడుకకు హాజరుకాని సినీ ప్రముఖులకు కరోనా తగ్గగానే గ్రాండ్ పార్టీ ఇవ్వనున్నారు రానా దంపతులు.