‘మెగా పవర్ స్టార్ రామ్ చరణ్ నటన చూసి ఓ తండ్రిగా గర్వపడుతున్నాను.. నటుడిగా ఈర్శ్య పడుతున్నాను. రామ్ చరణ్.. చిరంజీవి కొడుకు అనేకంటే.. చిరంజీవి రామ్ చరణ్‌కి తండ్రి అనిపించుకోవడం చాలా గర్వంగా ఉంది పుత్రోత్సాహాన్ని ఆనందిస్తున్నాను’.. ఇటీవల జరిగిన ‘టీఎస్ఆర్ నేషనల్ అవార్డ్స్’ రామ్ చరణ్ గురించి మెగాస్టార్ చిరంజీవి అన్న మాటలు ఇవి. అవును.. రామ్ చరణ్‌కి మెగాస్టార్ హోదా అనేది వరమని చాలా మంది అంటే కొన్ని సందర్భాల్లో ఆ స్టార్ హోదానే రామ్ చరణ్‌కి శాపంగా మారింది.‘రంగస్థలం’ సినిమా విడుదల వరకూ రామ్ చరణ్‌ని మెగాస్టార్ కొడుకుగానే చూశారు తప్ప.. మెగా పవర్ స్టార్ రామ్ చరణ్ ప్రతిభకు పట్టం కట్టలేకపోయింది. రామ్ చరణ్ చిరంజీవి కొడుకు మాత్రమే కాదు.. ఆయనో మంచి నటుడు అనిపించుకోవడానికి 12 ఏళ్ల సమయం పట్టింది.
Read Also: చిరంజీవి కొడుకనే హోదా.. రామ్ చరణ్‌ని తొక్కేసిందా!
‘చిరుత’ చిత్రంతో 2007 సంవత్సరంలో చిరంజీవి వారసత్వాన్ని అందిపుచ్చుకుని టాలీవుడ్‌కి ఎంట్రీ ఇచ్చిన రామ్ చరణ్.. తొలి చిత్రంతోనే హిట్ అందుకున్నారు. అప్పట్లో క్రేజీ దర్శకుడిగా పేరొందిన పూరీ జగన్నాథ్ రామ్ చరణ్‌ని ఇంట్రడ్యూస్ చేశారు. భారీ అంచనాలతో విడుదలైన ఈ మూవీ అనుకున్నట్టుగానే భారీ విజయాన్ని నమోదు చేసింది. అయితే మెగాస్టార్ అనే నటశిఖరాన్ని రామ్ చరణ్‌తో పోల్చిచూసుకోవడంతో రామ్ చరణ్ అన్ని విషయాల్లోనూ తేలిపోయాడు. పోలికల దగ్గర నుండి.. యాక్టింగ్, డాన్స్, ఫైట్స్ ఇలా ప్రతి విషయంలోనూ చిరంజీవితో పోలిక పెట్టడం వల్ల రామ్ చరణ్ పెర్ఫామెన్స్‌‌కి పెదవి విరుపులు ఎదురయ్యాయి.
అయితే 2009లో వచ్చిన ‘మగధీర’ చిత్రం టాలీవుడ్ ఇండస్ట్రీని షేక్ చేసింది. పాత రికార్డుల్ని చెరిపేసి సంచలన విజయాన్ని నమోదు చేసింది. రెండు జన్మల నేపథ్యంలో దర్శకధీరుడు రాజమౌళి రూపొందించిన ‘మగధీర’ చిత్రం తెలుగు సినిమా హిస్టరీలో బిగ్గెస్ట్ హిట్ చిత్రాల లిస్ట్‌లో చేరింది. ఆశ్చర్యకరమైన విషయం ఏంటంటే.. ఇంత పెద్ద హిట్ సాధించినప్పటికీ హీరో రామ్ చరణ్‌కి నటన పరంగా దక్కాల్సిన గౌరవం దక్కలేదు. నటుడిగా రామ్ చరణ్ కంటే దర్శకుడిగా రాజమౌళికే ఎక్కువ పేరు తెచ్చిపెట్టింది ఈ చిత్రం.
రామ్ చరణ్ గత చిత్రాల్లో ఆయనకంటే ఆయనతో పాటు నటించిన మిగిలిన క్యారెక్టర్లు బాగా చేశారనే ప్రచారం ఉండేవి. వాస్తవం కూడా ఇదే అనేది చాలా మంది భావన. అయితే ‘రంగస్థలం’ సినిమాలో జగపతిబాబు, విలక్షణ నటుడు ప్రకాష్ రాజ్, ఆది పినిశెట్టి, నరేష్, సమంత, అనసూయ ఇలా చాలా మంది నటీనటులు ఉన్నప్పటికీ ‘చిట్టిబాబు’ పాత్రకు జనం జేజేలు పలికారు అంటే రామ్ చరణ్‌కి నటన రాక కాదు.. నటింపచేసే దర్శకుడు లేక అన్నది నటింపచేసి చూపించారు రామ్ చరణ్. అందుకే ‘రంగస్థలం’ సినిమా తరువాత ‘వినయ విధేయ రామ’ వంటి అట్టర్ ఫ్లాప్ చిత్రం వచ్చినా.. అది దర్శకుడు బోయపాటి వైఫల్యమే అన్నారు తప్ప రామ్ చరణ్ నటనకు ఎవరూ పేరు పెట్టలేదంటే రామ్ చరణ్ చిరంజీవి కొడుకుగానే కాదు.. ఓ మంచి నటుడిగా మెగా వారసత్వాన్ని అందిపుచ్చుకున్నట్టే. ఈ నట వారసత్వాన్ని కొనసాగిస్తూ మరెన్నో మంచి చిత్రాలను చేయాలని ప్రేక్షకుల తరుపున కోరుతూ.. మెగా పవర్ స్టార్‌కి జన్మదిన శుభాకాంక్షలు.
Read Also: చిరంజీవి కొడుకనే హోదా.. రామ్ చరణ్‌ని తొక్కేసిందా!
‘చిరుత’ చిత్రంతో 2007 సంవత్సరంలో చిరంజీవి వారసత్వాన్ని అందిపుచ్చుకుని టాలీవుడ్‌కి ఎంట్రీ ఇచ్చిన రామ్ చరణ్.. తొలి చిత్రంతోనే హిట్ అందుకున్నారు. అప్పట్లో క్రేజీ దర్శకుడిగా పేరొందిన పూరీ జగన్నాథ్ రామ్ చరణ్‌ని ఇంట్రడ్యూస్ చేశారు. భారీ అంచనాలతో విడుదలైన ఈ మూవీ అనుకున్నట్టుగానే భారీ విజయాన్ని నమోదు చేసింది. అయితే మెగాస్టార్ అనే నటశిఖరాన్ని రామ్ చరణ్‌తో పోల్చిచూసుకోవడంతో రామ్ చరణ్ అన్ని విషయాల్లోనూ తేలిపోయాడు. పోలికల దగ్గర నుండి.. యాక్టింగ్, డాన్స్, ఫైట్స్ ఇలా ప్రతి విషయంలోనూ చిరంజీవితో పోలిక పెట్టడం వల్ల రామ్ చరణ్ పెర్ఫామెన్స్‌‌కి పెదవి విరుపులు ఎదురయ్యాయి.
అయితే 2009లో వచ్చిన ‘మగధీర’ చిత్రం టాలీవుడ్ ఇండస్ట్రీని షేక్ చేసింది. పాత రికార్డుల్ని చెరిపేసి సంచలన విజయాన్ని నమోదు చేసింది. రెండు జన్మల నేపథ్యంలో దర్శకధీరుడు రాజమౌళి రూపొందించిన ‘మగధీర’ చిత్రం తెలుగు సినిమా హిస్టరీలో బిగ్గెస్ట్ హిట్ చిత్రాల లిస్ట్‌లో చేరింది. ఆశ్చర్యకరమైన విషయం ఏంటంటే.. ఇంత పెద్ద హిట్ సాధించినప్పటికీ హీరో రామ్ చరణ్‌కి నటన పరంగా దక్కాల్సిన గౌరవం దక్కలేదు. నటుడిగా రామ్ చరణ్ కంటే దర్శకుడిగా రాజమౌళికే ఎక్కువ పేరు తెచ్చిపెట్టింది ఈ చిత్రం.
రామ్ చరణ్ గత చిత్రాల్లో ఆయనకంటే ఆయనతో పాటు నటించిన మిగిలిన క్యారెక్టర్లు బాగా చేశారనే ప్రచారం ఉండేవి. వాస్తవం కూడా ఇదే అనేది చాలా మంది భావన. అయితే ‘రంగస్థలం’ సినిమాలో జగపతిబాబు, విలక్షణ నటుడు ప్రకాష్ రాజ్, ఆది పినిశెట్టి, నరేష్, సమంత, అనసూయ ఇలా చాలా మంది నటీనటులు ఉన్నప్పటికీ ‘చిట్టిబాబు’ పాత్రకు జనం జేజేలు పలికారు అంటే రామ్ చరణ్‌కి నటన రాక కాదు.. నటింపచేసే దర్శకుడు లేక అన్నది నటింపచేసి చూపించారు రామ్ చరణ్. అందుకే ‘రంగస్థలం’ సినిమా తరువాత ‘వినయ విధేయ రామ’ వంటి అట్టర్ ఫ్లాప్ చిత్రం వచ్చినా.. అది దర్శకుడు బోయపాటి వైఫల్యమే అన్నారు తప్ప రామ్ చరణ్ నటనకు ఎవరూ పేరు పెట్టలేదంటే రామ్ చరణ్ చిరంజీవి కొడుకుగానే కాదు.. ఓ మంచి నటుడిగా మెగా వారసత్వాన్ని అందిపుచ్చుకున్నట్టే. ఈ నట వారసత్వాన్ని కొనసాగిస్తూ మరెన్నో మంచి చిత్రాలను చేయాలని ప్రేక్షకుల తరుపున కోరుతూ.. మెగా పవర్ స్టార్‌కి జన్మదిన శుభాకాంక్షలు.