ఆమెని డ్రాప్ చేసేందుకు కారు ఇచ్చిన రామ్ చరణ్

రంగస్థలం 1985 సినిమా షూటింగ్ మొదలైనప్పటి నుంచి మెగాపవర్ స్టార్ రామ్ చరణ్‌కి వున్న క్రేజ్ అంతకంతకూ పెరుగుతూపోతోంది. ఓవైపు రంగస్థలం షూటింగ్ జరిగిన ప్రాంతాల్లో చెర్రీని చూడ్డానికి అభిమానులు ఎగబడుతోంటే, మరోవైపు వీలు చిక్కినప్పుడల్లా చెర్రీ కూడా వారితో మమేకం అవుతూ, వారిలో కలిసిపోతున్నాడు. ముఖ్యంగా గోదావరి తీర ప్రాంతంలో షూటింగ్ జరిగినన్ని రోజులు చెర్రీ చుట్టూ వున్న సందడి అంతా ఇంతా కాదు. దీంతో ఈ సినిమా షూటింగ్ ఓ విధంగా చెర్రీకి చాలా జ్ఞాపకాలే మిగిల్చింది. ఈ విషయాన్ని స్వయంగా చెర్రీనే అంగీకరించాడు.
This sweet fan has come frm so long to just see Charan & he made sure shes dropped at home!❤️ #MutualLoveBelike #everydayscenes #RamCharan pic.twitter.com/ZM3oWGiSm7— Pravallika Anjuri (@ipravallika) August 18, 2017
ఇవన్నీ ఒక ఎత్తయితే, తాజాగా రంగస్థలం షూటింగ్ జరుగుతున్న లొకేషన్‌లో చెర్రీని చూడటానికి వచ్చిన ఓ ఫీమేల్ ఫ్యాన్ మాత్రం చెర్రీకి మరీ స్పెషల్ అయింది. దివ్యాంగురాలు అయిన ఓ యువతి చెర్రీని చూసేందుకు ఎంతో దూరం నుంచి రంగస్థలం 1985 సినిమా సెట్స్‌కి చేరుకుంది. ఆ వీరాభిమాని గురించి తెలుసుకున్న చెర్రీ.. ఆమెతో కాసేపు సరదాగా ముచ్చటించి, ఓ ఫోటోకి పోజిచ్చి ఆమెని ఆనందంలో ముంచెత్తాడు.

అంతేకాకుండా దివ్యాంగురాలైన ఆమె మళ్లీ ఇంటికి ఎలా చేరుకోవడం అని కంగారు పడిన చెర్రీ.. తానే తన సిబ్బందికి కారు ఇచ్చి మరీ ఆమెని ఇంటి వద్ద డ్రాప్ చేసి రమ్మన్నాడట. అభిమాన నటుడుని చూడాలని ఎన్నో వ్యయప్రయాసలకొసగి వచ్చిన వాళ్లకి ఎవరికైనా ఇంతకన్నా ఎక్కువ ఇంకేం కావాలి చెప్పండి. అందుకే ఆ వీరాభిమాని ఆనందానికి అవధుల్లేకుండా పోయాయి. ట్విటర్‌లోనూ ఈ వీడియోకు భారీ ఫ్యాన్ ఫాలోయింగ్ కనిపించింది. చాలామంది నెటిజెన్స్ ఈ ట్వీట్‌ని లైక్ చేయగా ఇంకొంతమంది రిట్ట్వీట్ చేశారు.