వైరల్: రామ్ చరణ్ స్టన్నింగ్ లుక్ లీక్!!

మెగా పవర్ స్టార్ రామ్ చరణ్ ఇప్పుడు సుకుమార్ దర్శకత్వంతో ఓ ప్రేమకథా చిత్రంతో రాబోతున్న విషయం తెలిసిందే. సుకుమార్ సినిమా అంటేనే హీరో లుక్ డిఫరెంట్‌గా ఉంటుంది. రామ్ చరణ్‌ కూడా ఈ మూవీకోసం ఖైదీ నంబర్ 150 ప్రమోషన్స్ నుండే కసరత్తు ప్రారంభించాడు. ఈ సినిమా కోసం గెడ్డం పెంచుతున్నానని.. సుకుమార్ శాటిస్ఫై అయ్యేవరకూ పెంచాల్సి ఉంటుందని అప్పుడే చెప్పాడు చెర్రీ.

అయితే ఇప్పటి వరకూ చెర్రీ లుక్ ఎలా ఉంటుందనేది బయటపడలేదు. రీసెంట్‌గా చెర్రీ స్టన్నింగ్ లుక్ ఒకటి సోషల్ మీడియాలో లీకై హల్ చల్ చేస్తుంది. ప్రస్తుతం రాజమండ్రి పరిసరాల్లో గోదారి తీరాన చెర్రీ-సుక్కు సినిమా షూటింగ్ మొదలైంది. హీరోయిన్ సమంత కూడా వచ్చి యూనిట్‌తో జాయిన్ అయింది.

ఈ సినిమాలో చెర్రీ వినికిడి లోపం ఉన్న యువకుడిగా నటిస్తున్నట్టు సమాచారం. అయితే.. మరి చరణ్ లుక్ ఎలా ఉంటుందనే విషయం.. ఫస్ట్ లుక్ వరకు తెలీదేమో అని అంతా అనుకున్నారు. కానీ ఒక నాటు పడవపై.. గుబురు గెడ్డంతో.. ఓ గొడుగు పట్టుకుని నిక్కరుపై లుంగీ కట్టి ఎండలో మెగా పవర్ స్టార్ కూర్చున్న ఓ షూటింగ్ స్పాట్ లుక్ ఇప్పుడు ఇంటర్నెట్‌లో వైరల్‌గా మారింది.

చరణ్ లేటెస్ట్ లుక్‌ని బట్టి రామ్ చరణ్ ఈ మూవీతో ప్రయోగాన్ని చేస్తున్నట్టు అర్థమైపోతుంది. గోదావరి, నాటు పడవ, మెడలో కాశీతాడు, రంగు బనియన్, నిక్కరుపై లుంగీ, గడ్డం వీటన్నింటి బట్టి చూస్తే చెర్రీ మత్స్యకారుడి లుక్‌తో ఉన్నట్టు కనిపిస్తున్నాడు. స్టార్ డమ్‌ని పక్కన పెట్టి వైవిధ్యంగా ఉన్న చెర్రీ లుక్‌కి ఫిదా అవుతున్నారు మెగా ఫ్యాన్స్.