ఏంటి చరణ్!! లెక్కల మాస్టర్‌కే ఎక్కాలా?

సుకుమార్ దర్శకత్వంలో రామ్ చరణ్ విలేజ్ బ్యాక్‌డ్రాప్ లవ్ స్టోరీలో నటిస్తోన్న సంగతి తెలిసిందే. ప్రస్తుతం ఈ సినిమా షూటింగ్ హైదరాబాద్ పరిసర ప్రాంతాల్లో జరుగుతోంది. ఈ నెలాఖరు వరకు షూటింగ్ ఇక్కడే జరగనుంది. అయితే ఈ సినిమాకు సంబంధించిన చరణ్, సుకుమార్‌కు ఓ కండీషన్ పెట్టాడట. ఆగస్ట్ నెలాఖరు లోపు సినిమా షూటింగ్ పూర్తి చేయాలని చరణ్, సుకుమార్‌ను కోరినట్లు తెలుస్తోంది.

చరణ్ ఇలా డెడ్ లైన్ పెట్టడానికి కారణం లేకపోలేదు. ఆగస్ట్ నెల నుండి చిరు 151వ సినిమా 'ఉయ్యాలవాడ నరసింహారెడ్డి' సినిమా ప్రారంభమవుతుంది. సెప్టెంబర్ నెల నుండి రెగ్యులర్ షూటింగ్ జరపనున్నారు. ఈ చిత్రానికి నిర్మాతగా రామ్ చరణ్ వ్యవహరించనున్నారు కాబట్టి సినిమా సెట్స్ పైకి వచ్చే సమయానికి తన సినిమాను పూర్తి చేయాలని సుకుమార్‌కు చెప్పినట్లుగా తెలుస్తోంది.

నిజానికి చరణ్ సినిమా పూర్తి కావడానికి కనీసం మరో నాలుగు నెలల సమయమైనా పడుతుంది. మధ్యలో టెక్నికల్ సమస్యలు ఏమైనా తలెత్తితే ఇంకాస్త ఆలస్యమవుతుంది. పైగా సుకుమార్ తన సినిమాల కోసం ఎక్కువ సమయం తీసుకుంటాడు. ప్రతి ఫ్రేమ్ పక్కగా లెక్కలు వేసుకుని తెరకెక్కించడంలో దిట్ట ఈ లెక్కల మాస్టర్. సో.. చరణ్ చెప్పిన టైమ్‌కు సుకుమార్ సినిమాను పూర్తిచేయడానికి ఎలాంటి సూత్రాలను ఉపయోగిస్తాడో చూడాలి.