‘రంగస్థలం’ ఫస్ట్‌లుక్: మళ్లీ వెయిటింగ్!

మెగా అభిమానులు ఎంతగానో ఎదురుచూస్తున్న ‘రంగస్థలం’ ఫస్ట్‌లుక్ విషయంతో మరోసారి మాట తప్పింది మైత్రీ మూవీ మేకర్స్. మెగా పవర్‌స్టార్ రామ్ చరణ్ హీరోగా సుకుమార్ దర్శకత్వంలో 'రంగస్థలం 1985' సినిమా మైత్రీ మూవీ మేకర్స్ బ్యానర్‌లో రూపొందుతోన్న సంగతి తెలిసిందే. ప్రస్తుతం ఈ సినిమా చిత్రీకరణ చివరి దశలో ఉండగా.. షూటింగ్‌ లోకేషన్ ఫోటోలను ఎప్పటికప్పుడు సోషల్ మీడియాలో షేర్ చేస్తూ సినిమాపై హైప్ క్రియేట్ అయ్యేలా చేసింది చిత్ర యూనిట్.

కాగా ఈ మూవీ ఫస్ట్‌లుక్‌ను మొదట డిసెంబర్‌ 8 సాయంత్రం 5.30 గంటలకు విడుదల చేస్తున్నట్లు చిత్ర నిర్మాణ సంస్థ మైత్రీ మూవీ మేకర్స్‌ ప్రకటించి తరువాత వాయిదా వేసింది. దీంతో మెగా అభిమానుల్లో కొంత అసంతృప్తి నెలకొనడంతో తాజాగా డిసెంబర్‌ 9 (శనివారం) ఉదయం 9గంటలకు ‘రంగస్థలం 1985’ ఫస్ట్‌లుక్‌ను విడుదల చేయబోతున్నట్లు అధికారిక ప్రకటన ఇచ్చేసింది చిత్రయూనిట్.

1985 కాలం నాటి గ్రామీణ వాతారణం నేపథ్యంలో అద్భుతమైన ప్రేమకథా చిత్రంగా ఈ సినిమాను తీర్చిదిద్దుతున్నారు దర్శకుడు సుకుమార్. రామ్ చరణ్ సరసన సమంత జోడీ కడుతుండగా.. ఆది పినిశెట్టి, జగపతి బాబు, యాంకర్ అనసూయలు ఇతర కీలక పాత్రల్లో నటిస్తున్నారు. దేవీశ్రీ ప్రసాద్ సంగీతం అందిస్తున్న ఈ మూవీ ఆడియో రైట్స్‌ను ‘లహరి’ మ్యూజిక్ రూ.1.6 కోట్ల రికార్డు ధరకు కొనుగోలు చేసింది. కాగా ఈ చిత్రాన్ని వేసవి కానుకగా మార్చి నెలలో విడుదలకు ప్లాన్ చేస్తున్నారు.

The wait will be a bit longer. #RangasthalamFirstLook will be released at 9 AM on 9th Dec. pic.twitter.com/wlYkXWNzw2 — Mythri Movie Makers (@MythriOfficial) December 7, 2017