చరణ్ నోట.. పవన్ మాట

మెగాపవర్ స్టార్ రామ్ చరణ్ ఆదివారం ఓ కాలేజీకి అతిథిగా వెళ్లారు. అక్కడ విద్యార్ధులను తన మాటలతో ఆకట్టుకున్నాడు. స్టూడెంట్ లైఫ్‌ను చాలా మిస్ అవుతున్నానని ఓ సంవత్సరం పాటు షూటింగ్‌కు సెలవు పెట్టేసి కాలేజ్‌లో చేరాలనుందని తన మనసులో మాటను చెప్పాడు. అంతేకాదు స్టూడెంట్స్‌కు నచ్చితే ఎంతమందినైనా స్టార్స్ చేస్తారని పార్టీలు నిలబెట్టాలన్నా నచ్చకపోతే కూల్చాలన్నా వారికే సాధ్యమని అన్నారు.

ఇక గతేడాది తను నటించిన ‘ధ్రువ’ అలానే తన సొంత బ్యానర్ లో నిర్మించిన 'ఖైదీ నెంబర్ 150' సినిమాలను హిట్ చేసి అభిమానులు తమ కుటుంబానికి మరింత ప్రోత్సాహాన్నిచ్చారని పేర్కొన్నారు. నాన్న, బాబాయ్ పవన్ కల్యాణ్‌ల ద్వారా వచ్చిన హోదాను కాపాడుకోవడానికి ఒళ్ళు దగ్గర పెట్టుకొని పని చేస్తానని.. అలానే అభిమానులు తల ఎత్తుకొనేలా సినిమాలు చేస్తానని అన్నారు.

'కాటమరాయుడు' ట్రైలర్‌ చాలా అద్భుతంగా ఉందని, సినిమా అంతకంటే అద్భుతంగా ఉంటుందన్నారు. చరణ్ మాటలతో ఒక్కసారిగా కాలేజ్ మొత్తం పండగ వాతావరణం నెలకొంది. ప్రస్తుతం చరణ్, సుకుమార్ దర్శకత్వంలో ఓ సినిమా చేయనున్నాడు. ఏప్రిల్ 1నుండి సినిమా షూటింగ్ మొదలుకానుంది.