Vinaya Vidheya Rama Eagle Scene: VVR ట్రైన్‌ సీన్ తొలగింపు.. వాటిని చూడాలంటే!

మెగా పవర్ స్టార్ రామ్ చరణ్ ‘వినయ విధేయ రామ’లో దర్శకుడు బోయపాటి తన దర్శకత్వ ప్రతిభకు పదును పెట్టి ట్రోలర్స్‌కి పూర్తి పని చెప్పారు. సంక్రాంతి కానుకగా జనవరి 11న విడుదలైన ఈ మూవీ కలెక్షన్ల పరంగా మంచి వసూళ్లనే రాబట్టినప్పటికీ టాక్ మాత్రం ఆశాజనకంగా లేదు. రామ్ చరణ్, కైరా అద్వానీ, వివేక్ ఒబెరాయ్, స్నేహ, ప్రశాంత్, ఆర్యన్ రాజేష్ లాంటి పవర్ క్యాస్టింగ్ ఉన్నప్పటికీ దర్శకుడు బోయపాటి ప్రేక్షకులకు కన్ వే కాని సీన్లతో నిరుత్సాహపరిచారు.

హీరోయిజం, విలనిజం పండించడం కోసం లాజిక్ లేని సీన్లతో ప్రేక్షకుల సహనానికి పరీక్షపెట్టేశారు. దీంతో బోయపాటి దర్శకత్వ ప్రతిభపై విమర్శలు గుప్పిస్తూ నెటిజన్లు ఈ సినిమాలోని సీన్లను విపరీతమైన ట్రోలింగ్స్ చేస్తున్నారు. వీటిలో రామ్ చరణ్ ట్రైన్‌పై ద్వారక (గుజరాత్) నుండి ట్రైన్‌పై నిలబడి వచ్చే సీన్, విలన్స్ తలలు నరికితే గద్ధలు ఎత్తుకుపోయే సీన్, విలన్‌ని పాము కరిస్తే.. పామే చనిపోవడం లాంటి వాటిపై విపరీతమైన ట్రోలింగ్స్ నడుస్తుండటంతో ఇలాంటి మానవాతీతమైన, బోయపాటి మాత్రమే సాధ్యమైన సీన్లను సినిమా నుండి తొలిగిస్తున్నారు.

ముఖ్యంగా ట్రైన్ సీన్‌ను ఇప్పటికే మల్టీఫ్లెక్స్‌లు, బీ సెంటర్లలో తొలగించారు. మాస్ ఆడియన్స్ ఎక్కువగా ఉండే సీ సెంటర్లలో మాత్రమే విధేయ రాముడు ట్రైన్‌లో ద్వారక నుండి బీహార్‌కు ప్రాణాపాయంలో ఉన్న తన అన్న(ప్రశాంత్)ను కాపాడేందుకు జర్నీ చేస్తున్నాడు.