Vinaya Vidheya Rama First Song: ‘వినయ విధేయ రామ’.. భామలతో బొండాలు తాగేస్తూ

‘వినయ విధేయ రామ’.. టైటిల్‌లో వినయం ఉన్నప్పటికీ టీజర్‌లో ఉగ్ర స్వరూపం చూపించాడు రామ్ చరణ్ తేజ్. తాజాగా నలుగురు భామలతో కలిసి సరదాగా కబుర్లు చెబుతూ బొండాలు తాగుతూ వినయ విధేయ రాముడిలో ఉన్న రొమాంటిక్ యాంగిల్‌ని బయటపెట్టాడు. బోయపాటి శ్రీను దర్శకత్వంలో డీవీవీ దానయ్య నిర్మిస్తున్న ‘వినయ విధేయ రామ’ మూవీ ఫస్ట్ సింగిల్ సాంగ్ పోస్టర్‌ను విడుదల చేసింది చిత్రయూనిట్. ఈ పోస్టర్‌లో రామ్ చరణ్ అందమైన అమ్మాయిలతో ముచ్చట్లు చెబుతూ చాలా రొమాంటిక్‌గా కనిపిస్తున్నారు.

రాక్ స్టార్ దేవి శ్రీ ప్రసాద్ స్వరకల్పనలో ‘తందానే.. తందానే’ అనే పాటను డిసెంబర్ 3 సాయంత్రం 4 గంటలకు విడుదల చేస్తున్నట్లు పోస్టర్‌లో తెలిపింది చిత్ర యూనిట్. అయితే ఈ పాటను ఇప్పటికే వినేశానని అద్భుతంగా ఉందంటూ రామ్ చరణ్ సతీమణి ఉపాసన ఈ పోస్టర్‌ను షేర్ చేయడం విశేషం. ఈ చిత్రంలో రామ్ చరణ్‌కి జోడీగా బాలీవుడ్ బ్యూటీ, భరత్ అనే నేను మూవీ హీరోయిన్ కైరా అద్వానీ నటిస్తుండగా.. బాలీవుడ్ హీరో వివేక్ ఒబెరాయ్ విలన్‌గా నటిస్తున్నారు. ఈవీవీ వారసుడు ఒకప్పటి హీరో ఆర్యన్ రాజేష్, జీన్స్ హీరో ప్రశాంత్, సీనియర్ హీరోయిన్ స్నేహా తదితరులు ఈ చిత్రంలో కీలకపాత్రల్లో సందడి చేస్తున్నారు. సంక్రాంతి కానుకగా జనవరి రెండో వారంలో ప్రేక్షకుల ముందుకు రానుంది ‘వినయ విధేయ రామ’.